web counter
LEXO PA REKLAMA!

SHKARKO APP

App Store
Google Play

Babë e bir/ 3200 paund të shpenzuar për të parë CR7, por tri herë… portugezi nuk luan!

5 Prill 2022, 17:18, Sport CNA

ANGLI? Fëmijët, siç shpjegon një thënie shumë e famshme, janë pjesë zemre dhe prindërit do të bënin vërtet gjithçka për t?i bërë ata të lumtur. Ndonjëherë nuk duhet shumë, por në disa raste kërkon angazhim, fat dhe madje edhe një shumë madhe parash.

TORINO DHE MANCHESTER ? Gjithçka fillon në vitin 2020, në epokën para pandemisë. Në shkurt Chris shpenzon mbi 1500 £ për të shkuar në Torino me djalin e tij për të parë Cristiano-n duke luajtur. Megjithatë, zgjedhja e ndeshjes është e gabuar, pasi në ndeshjen kundër Brescia-s Sarri vendos ta lërë portugezin të pushojë.

Kaluan më shumë se dy vjet dhe CR7 u kthye në Manchester.E sa për të qenë të sigurt se CR7 nuk do të lihej pushim, zgjedhja ra në derbin e Manchesterit. Ndeshje e kushtueshme, sepse mes biletave dhe hotelit të dy shpenzojnë 1700 stërlina të tjera. Dhe në fund, për habinë e të gjithëve, Ronaldo nuk thirret për shkak të një dëmtimi.

FATI- Një tjetër thënie mjaft e famshme është ? nuk ka dy pa tre, por padyshim që Chris dhe Zac nuk e besojnë. Për ndeshjen kundër Leicester Cityt, biletat ishin falas dhe nuk kishte nevojë as të ndalonin për të fjetur. Të paktën portofoli ishte i lumtur, por jo babë e bir, sepse edhe ndaj skuadrës së Brendan Rodgers në fushë mungon? CR7, sërish duke luftuar me një problem fizik.

A mjafton për tu hequr dorë? Aspak, Chris nuk dorëzohet: ?Po më kushton një qimet e kokës, por i kam premtuar Zac se do ta çoj të shohë Cristiano Ronaldon të luajë, kështu që do t?ia dal, çfarëdo që të ndodhë?. Duke shpresuar gjithnjë që, seria negative e të dyve të mos vazhdojë!





Lajmet e fundit nga