web counter
LEXO PA REKLAMA!

SHKARKO APP

App Store
Google Play

Bota duhet ta dijë/ Zelensky: Në Bucha Rusia kreu gjenocid dhe krime lufte ndaj civilëve

4 Prill 2022, 14:11, Kosova & Bota CNA

Presidenti i Ukrainës Volodymyr Zelenskiy vizitoi sot qytetin Bucha, 35 milje në veri-perëndim të kryeqytetit Kiev, pasi imazhet që tregonin trupat e civilëve të vrarë të shpërndarë në rrugë shkaktuan reagime të shumta nga ndërkombëtarët.

I rrethuar nga personeli ushtarak, Zelenskiy foli në televizionin kombëtar ku tha se ishte shumë e vështirë për Ukrainën të negocionte me Rusinë pas mizorive të kryera nga forcat ruse në Bucha.

?Këto janë krime lufte dhe do të njihen nga bota si gjenocid. Sa më shumë që Federata Ruse e zvarrit procesin e bisedimeve, aq më keq bëhet situata. Ne kemi dijeni për mijëra njerëz të vrarë dhe të torturuar, me gjymtyrë të prera, gra të dhunuara dhe fëmijë të vrarë. Është shumë e rëndësishme për ne që shtypi të jetë këtu në qytet. Ukraina dëshiron t’i tregojë botës atë që ndodhi në Bucha. Ne duam që ju t’i tregoni botës se çfarë ndodhi këtu. Çfarë bëri ushtria ruse. Çfarë bëri Federata Ruse në Ukrainën paqësore. Ishte e rëndësishme për ju të shihni se këta ishin civilë. Ne nuk do të ndalojmë derisa secili të mbahet përgjegjës.Ne do të bëjmë presion maksimal. Nuk do të ndalemi për asnjë minutë për të gjetur të gjithë kriminelët dhe mendoj se kjo do t’i sjellë dobi civilizimit?, tha ai.

Bashkimi Evropian njoftoi të hënën se ka krijuar një ekip të përbashkët hetimor me Ukrainën për të hetuar krimet e dyshuara ruse të luftës dhe krimet kundër njerëzimit./CNA.al





Lajmet e fundit nga