web counter
LEXO PA REKLAMA!

SHKARKO APP

App Store
Google Play

SHBA kërkesë OKB-së/ Thomas-Greenfield: Rusia të pezullohet nga Këshilli i të Drejtave të Njeriut

4 Prill 2022, 13:54, Kosova & Bota CNA

Ambasadorja e Shteteve të Bashkuara në OKB, Linda Thomas-Greenfield, bëri me dije se SHBA do të kërkojë përjashtimin e Rusisë nga Këshilli i të Drejtave të Njeriut. Një hap i tillë sipas saj është i nevojshëm, nisur nga lufta që po zhvillohet në Ukrainë. Një shtet që shkel të drejtat e një shteti tjetër dhe civilëve të tij, nuk ka sens që të jetë pjesë e një Këshilli që lufton dhe garanton të drejtat e njeriut.

?Shtetet e Bashkuara do t’i kërkojnë Asamblesë së Përgjithshme të OKB-së që të pezullojë Rusinë nga Këshilli i të Drejtave të Njeriut. Pjesëmarrja e Rusisë në Këshillin e të Drejtave të Njeriut është një farsë. Dhe është e gabuar. Prandaj ne besojmë se është koha që Asambleja e Përgjithshme e OKB-së të votojë për t’i hequr ato?, tha ajo sot nga Bukureshti, pasi Ukraina akuzoi trupat ruse për vrasjen e dhjetëra civilëve në qytetin Bucha, raporton CNN.

Një shumicë prej dy të tretash nga asambleja prej 193 anëtarësh në Nju Jork mund të pezullojë një shtet nga këshilli për kryerjen e vazhdueshme të shkeljeve të rënda dhe sistematike të të drejtave të njeriut./ CNA.al





Lajmet e fundit nga