web counter
LEXO PA REKLAMA!

SHKARKO APP

App Store
Google Play

E fundit!

x

"Ai është një kriminel lufte"/ Carla Del Ponte i kërkon urdhër arrest për Putinin

2 Prill 2022, 14:12, Kosova & Bota CNA

Ish-prokurorja e krimeve të luftës, Carla Del Ponte, i ka kërkuar Gjykatës Penale Ndërkombëtare të lëshojë një urdhër arresti për presidentin rus Vladimir Putin.

“Putini është një kriminel lufte“, tha Del Ponte në një intervistë për gazetën Le Temps.

Një hetim mbi krimet e mundshme të luftës në Ukrainë filloi muajin e kaluar pasi Rusia u akuzua për bombardimin e civilëve. Kryeprokurori i Gjykatës Penale Ndërkombëtare, Karim Khan i Mbretërisë së Bashkuar, tha se po mblidheshin prova mbi krimet e dyshuara të luftës, krimet kundër njerëzimit dhe gjenocidin.

Por ka kufizime praktike për fuqinë e kwsaj gjykate pasi Rusia nuk është anëtare e gjykatës dhe teorikisht nuk ekstradon qytetarët e saj për t’u gjykuar jashtë vendit.

Këtë fakt e ka shpjeguar edhe ish-kryeprokurorja duke shtuar se lëshimi i urdhërarrestit nuk do të nënkuptonte që domosdoshmërisht Putin do të arrestohej. Megjithatë ajo sqaroi se ky është i vetmi instrument që lejon të arrestohen autorët e krimeve të luftës dhe të nxirren para Gjykatës.

“Është mjeti i vetëm ekzistues që lejon autorin e një krimi lufte të arrestohet dhe të sillet para GJNP. Putini nuk do të futet domosdoshmërisht në burg pas lëshimit të urdhrit të arrestit. Nëse ai qëndron në Rusi, ai nuk do të arrestohet kurrë. Por do të ishte e pamundur për të të largohej nga vendi i tij dhe do të ishte një sinjal i fortë se ai ka shumë shtete kundër”, tha ajo.

Carla del Ponte është shumë e njohur për hetimet e saj mbi krimet e luftës në Ruandë dhe ish-Jugosllavi, si dhe për të shërbimin për vite të tëra në komisionin hetimor të OKB-së për abuzimet mbi drejtat në luftën në Siri./ CNA.al





Lajmet e fundit nga