web counter
LEXO PA REKLAMA!

SHKARKO APP

App Store
Google Play

Armando Sadiku ka gjetur veten te Las Palmasi

31 Mars 2022, 19:32, Sport CNA

Armando Sadikut iu deshën 16 ndeshje për të prishur mallkimin e tij me fanellën e Las Palmasit në kategorinë e dytë spanjolle. Sulmuesi shënoi golin e parë në këtë sezon në kampionat ndaj Vajadolidit, por ecuria e sulmuesit nuk mbeti me kaq.

Në ndeshjen e fundit ndaj Leganes, Sadiku e nisi sërish titullar dhe realizoi një dopietë në fitoren 4-2 të ekipit të tij, duke çuar në 3 numrin e golave. Tani konkurrenti i tij është Mujica i cili humbi vendin në formacionin e Las Palmas.

Sipas ?Tintaamarilla.es?, meritat e Armandos në vazhdimësinë e projektit të klubit janë rritur shumë. Ai i injekton një energji të madhe pjesës tjetër të ekipit. Ai ka qenë vetëm 5 herë titullar dhe këtë të hënë luajti për herë të parë një ndeshje të plotë me Las Palmas. Përveç kësaj, Sadiku ka lënë shenjë edhe për diçka tjetër.

Pasioni, madje edhe tërbimi me të cilët ai ka festuar golat ndaj Vajadolidit dhe Leganes, tradhtojnë qetësinë që ai mban përbrenda. Aq më tepër kur pas dy ndeshjeve ai ka refuzuar të flasë për këtë para mediave të klubit, të cilët e ftuan shqiptarin që të shpjegojë ndjenjat e tij në këtë shtrirje vendimtare ku ai ka një peshë shumë të rëndësishme. Sadiku hesht, nuk ka dashur të flasë personalisht, edhe pse ka folur në fushën e betejës.





Lajmet e fundit nga