web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Malltezi: Rama po i bën bashkëpunëtorët “koka turku”

29 Mars 2022, 17:52, Politikë CNA

Eksperti i mjedisit në Partinë Demokratike, Jamarbër Malltezi, në një intervistë televizive ka komentuar ngjarjet e fundit me deputetin Alqi Bllako. Malltezi u shpreh se Bllako dhe Lefter Koka nuk kanë qenë më shumë se instrumente të përdorur nga Edi Rama dhe Arben Ahmetaj, të cilët i konsideroi kokat e aferave miliona euroshe të inceneratorëve.

?Afera e inceneratorëve ka qenë shumëplanëshe dhe shumë problematike. Ka filluar me atë të Elbasanit në fund të 2014, më pas për herë të parë në një takim me deputetët e Elbasanit ngritëm këtë shqetësim. Kemi 7 vite që e ndjekim si çështje. Padinë e parë e depozitoi Nisma Thurrje, ashtu siç po e bën SPAK tani. Nuk është një aferë pabarazie në tendera, por aferë e një grupi të strukturuar kriminal për të vjedhur qindra miliona euro. Shtatë vite më pas nuk kemi inceneratorë. Nëse s’do ishin këta të dy, Bllako dhe Koka, do ishin disa të tjerë si instrumenta. Koka në këtë mes është Rama, Ahmetaj dhe Agaçi. Pa lëvizjen e tyre nuk mund të bëhej asgjë pasi Ministria e Mjedisin nuk i kishte këto para. Qindra miliona euro janë vullnet politik i Ramës dhe Ahmetajt. 9 procedura brenda ditës nuk bëhen direkt pa qenë të përfshirë Rama dhe Agaçi?, ka deklaruar Malltezi.

Ai ka akuzuar kryeministrin Edi Rama se është duke shitur bashkëpunëtorët e tij, madje shtoi se Rama është duke i përdorur si koka turku..

?Akuzat që po i ngrihen nuk janë akuza që ti mbajnë gjatë për përgjegjësi penale. Pabarazi në tendera, jo një vepër që të mban gjatë. Rama i shet, i bën koka turku, merr lavdërime nga kukullat e Soros. Afera e vërtetë është vjedhja e 430 milionë euro?, u shpreh Malltezi./ CNA.al





Lajmet e fundit nga