web counter
LEXO PA REKLAMA!

SHKARKO APP

App Store
Google Play

E fundit!

x

“S'ka pasur shkarkime në PD”/ Garo: Nuk i frikësohemi “listës së zezë” të Shteteve të Bashkuara

29 Mars 2022, 17:19, Politikë CNA

Drejtoresha e Komunikimit të Komisionit të Rithemelimit, Floriana Garo, në një intervistë televizive ka komentuar ngjarjet e fundit në Partinë Demokratike. Garo ka sqaruar se me largimin e Lulzim Bashës dhe me ardhjen në krye të selisë blu, edhe pse jo zyrtarisht, të ish kryeministrit Sali Berisha, nuk ka pasur shkarkime, referuar heqjes nga grupi i WhatsaPP-it të disa individëve.

?Nuk ka pasur as shkarkime, as afrime, e as largime, janë spekulime, disa personazhe që nuk kishin të bënin si pjesë e PD, janë hequr nga grupi, ka pasur veprimtari që nuk është konsultuar me mua, drejtoreshën e komunikimit?, tha Garo.

Ajo ka sqaruar se negociata me grupin e Bashës dhe mbështetësve të tij nuk ka, gjithsesi ka theksuar se demokratët duhet të bashkohen në mënyrë që të krijojnë një opozitë të fortë.

Garo ka folur edhe mbi të pasurit në krye të PD-së një njeri që është shpallur non grata nga SHBA, shtet që e ka bërë të qartë se nëse kjo ndodh, Partia Demokratike do të futej në ?listën e zezë?. Ajo tha se Komisioni i Rithemelimit nuk e gjen veten të frikësuar nga të tilla deklarata, aq më tepër që kundër zotit Berisha nuk ka asnjë provë./ CNA.al





Lajmet e fundit nga