web counter
LEXO PA REKLAMA!

SHKARKO APP

App Store
Google Play

"Elbasan Arena, stadiumi që po shpëton ekipet e Superiores

22 Mars 2022, 21:19, Sport CNA

Në vitet e fundit infrastruktura sportive sa u përket stadiumeve në elitën e futbollit shqiptar ka pësuar ndryshime dhe janë bërë investime. Megjithatë, sërish duket një mision i pamundur që ekipet të luajnë në shtëpinë e tyre.

Këtë fakt e vuan më shumë se gjysma e Superiores, ku herë për shkak të restaurimeve dhe herë për probleme të tjera në stadiumet e tyre, skuadrat detyrohen të migrojnë diku tjetër. Rasti më tipik është stadiumi i Elbasanit, i cili është kthyer në shpëtimtarin e futbollit shqiptar, duke u bërë ?streha? e elitarëve.

?Panorama Sport? i bën një vëzhgim këtij sezoni të Kategorisë Superiore sa u përket skuadrave që të paktën një ndeshje të kampionatit e kanë luajtur në ?Elbasan Arena? si pritës. Dhe, nuk janë pak, por 60% e ekipeve të elitës kanë qenë pritës në këtë impiant dhe si për ironi të fatit, asnjë prej tyre nuk e ka stadiumin e vet, por e kanë parë si shpëtim.

Tirana ka qenë e fundit që i është bashkuar listës, ku të shtunën e kaluar zhvilluan derbin me Dinamon. Dinamovitët kanë numrin më të madh të ndeshjeve në Elbasan si pritës, plot nëntë të tilla, për t?u pasuar nga Teuta me tetë.

Nga 4 ndeshje kanë luajtur Kukësi me Partizanin dhe nga një Skënderbeu me Tiranën. Në total, 27 takime të Superiores janë luajtur në ?Elbasan Arena? nga skuadra që nuk i lidh asgjë me qytetin e Elbasanit.





Lajmet e fundit nga