E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Analiza e Çim Muçës: Derbi nuk ishte… derbi, Vllaznia e shpërfytyruar

22 Mars 2022, 11:12, Sport CNA

Java e 26-të e Superiores edhe njëherë tregon dominimin e Tiranës në këtë sezon. Bardheblutë arritën të fitojnë derbin me Dinamon me rezultatin minimal 1-0. Bie Partizani në fushën e Kastriotit, Vllaznia shkatërrohet nga Egnatia, ndërsa Laçi ka harruar të fitojë. Skënderbeu dhe Kukësi e kanë mbyllur në barazim sfidën mes tyre. Gjithçka në ?Rubrika Sportive? në RTSH, në analizën e të përhershmit Shkëlqim Muça.

Derbi bardheblu – ?Nuk u ngrit në nivelin e një derbi, edhe për faktin se u luajt jashtë Tiranës, nuk kishte tifozë. Tirana nuk u ngrit në nivelet e mëparshme. Dinamo kishte disa mundësi, por hezitoi para portës. Bardheblutë janë një skuadër cinike. Ishte një ndeshje që dukej se po shkonte drejt barazimit. Trajneri i huaj i Dinamos? Nuk pashë ndonjë ndryshim, mu duk e njëjta skuadër. Trajneri i ri do kohë, duhet të punojë shumë, Dinamo luan dhe më pas e pëson?.

Forma e Laçit – ?Laçi e ka arritur objektivin, duhet të punojë që të mos humbasë akoma, të mos humbasë dhe vendin e dytë. Ka patur problem dëmtimesh, është në një pozicion komod. Josa ka bërë një punë shumë të mirë. Duhet të ndryshojë, të fillojë të marrë fitore. Teuta luajti një ndeshje për të mos e humbur, por nuk është në lojën e saj më të mirë. Fitoi një ndeshje me fat dhe mori tri pikësh shumë të rëndësishëm. Për mua është çudi me këtë gjendje, sepse ka lojtarë shumë të mirë?.

Shpërfytyrimi i kuqebluve – ?Vllaznia kishte mungesa, por ishte një skuadër e shpërfytyruar në pjesën e parë. Ishte një skuadër e vendosur keq, Egnatia e kapte çdo herë në befasi, shumë gabime në mbrojtje. Brdariç nuk duhej të ikte, e mbante skuadrën gjithmonë të karikuar. Të vjen keq kur e shikon këtë Vllazni të pamotivuar. Egnatia tani është futur në ritëm, ka fituar me meritë.

Fitorja e Kastriotit me Partizanin ? ?Në fushën e Kastriotit të gjitha ndeshjet janë të vështira. Është një skuadër e motivuar, agresive. Rezultatet pozitive që i kanë ardhur janë si fakt se është një skuadër e motivuar. Partizani e kishte ndërtuar lojën mirë, e kishte vlerësuar, por loja e tillë është. Ishte një ndeshje e luftuar nga të dyja skuadrat?.

Barazimi mes Skënderbeut dhe Kukësit – ?Në pjesën e parë Kukësi e kontrolloi më mirë lojën. Më pas mori fushë Skënderbeu, hyri më mirë në lojë në pjesën e dytë, mund të kishte marrë dhe maksimumin, e kishte mundësinë. Por një skuadër që ndodhet në një pozicion të tillë është edhe e tronditur, pa harruar që ka ndryshuar trajnerin?.