web counter
LEXO PA REKLAMA!

SHKARKO APP

App Store
Google Play

E fundit!

x

“Dorëheqja e Bashës nuk është ende e plotë pa një proces zgjedhor”/ Boçi: Demokratët kishin humbur besimin tek Basha

22 Mars 2022, 21:15, Politikë CNA

Deputeti demokrat Luçiano Boçi, në një studio televizive ka folur në lidhje me dorëheqjen e Lulzim Bashës nga Partia Demokratike. Ai theksoi se demokratët kishin humbur besimin tek Basha dhe sqaroi se një veprim i tillë duhej bërë që në dhjetor.

?E pashë si përfundim të një marrëdhënieje besimi mes tij dhe anëtarësisë së Partisë Demokratike, por dhe më gjerë me publikun dhe votuesin. Ishte një humbje besimi në progres të vazhdueshëm dhe përfundoi si dorëheqje megjithëse u shkarkua në dhjetor. Gjithkund dorëheqjet kanë një dozë sinqeriteti sepse karrierat politike nuk mbarojnë me një dorëheqje dhe nuk janë të përputhshme me dëshirën e individit port ë diktuara nga rrethanat. U zhvillua një betejë mes anëtarësisë dhe selisë dhe pjesa më e madhe kërkonte largimin e tij dhe nisjen e një jete të re politike, besimi të ri. Unë e shoh se në ato dilema, Basha i ka të gjitha brenda, pas dorëheqjes fillon shkëputja dhe është e paparashikuar nga Basha por të tilla janë proceset politike. Ajo marrëdhënia e dikurshme rrëzohet me shpejtësi marramendëse dhe brenda saj nuk shuhet dëshira për rikthim?, tha ai.

Sipas Boçit, procesi i dorëheqjes nuk është i plotë, pasi duhet të ndiqet nga një proces zgjedhor. Kjo sepse lënia pa kryetar për një kohë të gjatë, do të nënkuptonte shkatërrimin e kësaj partie.

?Është diskutuar se a duhej përjashtuar nga gara Basha dhe më parë. Thelbi i Kuvendit ishte procesi zgjedhor, dhënia e besimit nuk përfundon me dorëheqjen por me votën e lirë në garë. Kjo dorëheqje nuk është ende e plotë, sepse duhet të shoqërohet me hapje të procesit zgjedhor. E thënë në mënyrë popullore, Partia Demokratike duke dashur të vërë vetullat, heq sytë, nuk mund të lihet bosh sepse do të thotë shkatërrim i forcës politike. Është ulëritëse zgjedhja e një lidershipi?, deklaroi ai./ CNA.al





Lajmet e fundit nga