web counter
LEXO PA REKLAMA!

SHKARKO APP

App Store
Google Play

“Do kandidojë pas zgjedhjeve lokale”/ Kadilli tregon çfarë fshihet pas dorëheqjes së Bashës

22 Mars 2022, 18:32, Politikë CNA

Dorëheqja e Lulzim Bashës nga drejtimi i PD-së, është vetëm një taktike e tij për të shfryrë situatën e krijuar dhe sulmet ndaj tij dhe për të kandiduar sërish pas zgjedhjeve lokale të 2023.

Kështu u shpreh në një intervistë televizive ish kandidati për kreun e PD Fatbardh Kadilli.

Sipas Kadillit Basha do të krijojë ‘Foltoret’ e tij njësoj si Berisha për t’u rikthyer sërish në drejtimin e partisë.

“Çdo dorëheqjes është një akt për t’u përshëndetur, po a është dorëheqje e vërtetë? Unë e shoh si një tërheqje taktike. I ndodhur në një pozicion ku as shërbëtori i tij më i afërt nuk gjendet dot më një kauzë për ta nxjerrë nga situata. Fakti që nuk pranon përgjegjësinë për humbjen por thotë se nuk mbajta dot partinë atëherë do të bëjë edhe ai foltoren e vetë, ku do të hyjnë në një proces analizimi të brendshëm për ringritjen. Besoj e do të kandidoj pas zgjedhjeve lokale 2023, sot nuk do të jetë më në shënjestër siç ishte deri dje dhe do të shihet si viktime e mundshëm e një loje politike ku ai nuk kishte ndonjë faj të madh”, tha Kadilli./E.T-CNA.al

 





Lajmet e fundit nga