web counter
LEXO PA REKLAMA!

SHKARKO APP

App Store
Google Play

Plas në Ballkan/ Vuçiç kërcënon Kosovën e Malin e Zi me pasoja të rënda, Kurti kërkon njohjen e Kosovës

21 Mars 2022, 16:05, Kosova & Bota CNA

Në një kohë që Kosova dhe Mali i Zi janë duke vendosur marrëdhënie të mira diplomatike në pritje të krijimit të një qeverie të re malazeze nga shqiptare Dritan Abazoviç, presidenti serb Aleksandar Vuçiç ka kërcënuar dy shtetet. Shkak është bërë ndalimi i mbajtjes së zgjedhjeve të 3 prillit të Serbisë në territorin malazez, masë që është paralajmëruar edhe nga Kosova prej disa muajsh. Mbajtja e zgjedhjeve në këto shtete, më parë është bërë për të lejuar qytetarët serbë që jetojnë në këto territore, të shprehin vullnetin mbi ngjarjet në Serbi. Ai ka bërë me dije se kryeministri Albin Kurti ka kërkuar njohjen e Kosovës në këmbim të lejimit të organizimit të zgjedhjeve.

?Prisni gjithçka, sot qeveria malazeze, as Gjukanoviç nuk e kishte bërë këtë, ndaloi votimin në Berane dhe disa vende për zgjedhjet tona. Qeveria e Kurtit kërkoi që ne ta njohim pavarësinë e Kosovës për të organizuar votimin. Kurti do të marrë përgjigje, ju dijeni se çfarë përgjigje do të marrin. Përgjigja e njerëzve seriozë dhe të përgjegjshëm, por do të ketë pasoja të mëdha?, tha Vuçiç.

Presidenti serb paralajmëroi se nesër do të mblidhet Këshilli i Sigurisë Kombëtare ku do të trajtohet edhe rfuzimi i Albin Kurtit për mbajtjen e zgjedhjeve në Kosovë dhe kërcënimet me sanksione ndaj Serbisë./ CNA.al





Lajmet e fundit nga