web counter
LEXO PA REKLAMA!

SHKARKO APP

App Store
Google Play

E fundit!

x

BE “tentativë për të korruptuar” Dodik/ Lideri serb i Bosnjes besnik ndaj Putinit

19 Mars 2022, 17:18, Kosova & Bota CNA

Lideri serb i Bosnje e Hercegovinës, njëkohësisht antar i presidencës trepalëshe të Bosnjës, Milorad Dodik, prej muajsh është duke shkaktuar trazira në Bosnje me paralajmërimet dhe hapat konkrete të ndërmarra nga institucionet e Republikës Srpska, për shkëputjen e kësaj të fundit nga BeH.

?Dodik ka përgatitur ligje konkrete që çojnë në shpërbërjen e institucioneve të përbashkëta shtetërore dhe shkatërrimin e shtetit të bosnjes me partinë e tij SNSD?, raporton media bosnjake Dnevni Avaz.

Pavarësisht refuzimit të Dodik për të respektuar Kushtetutën dhe për të shfuqizuar ligjet, pavarësisht kërcënimeve për shkëputje prej vitesh dhe pavarësisht se është në kontakt të drejtpërdrejtë me regjimin rus, kjo media raporton se BE-ja deri më tani nuk ka zhvilluar asnjë strategji për të shmangur përshkallëzimin, por vazhdon politikën e saj të koncesioneve me qëllim zbutjen e politikave të Dodik.

?Kohët e fundit, komisioneri hungarez i BE Oliver Várhelyi i ofroi Dodik fonde që kapnin shifrën e 600 milion eurove në rast se përfaqësuesit serbë kthehen në institucione. Vetë Varhelji u dërgua nga kryeministri hungarez Viktor Orbán, i cili mbështet Dodik dhe politikën e tij?, raportoi kjo media.

Ndërkohë, KE i pyetur nga media vjeneze Standard mbi ngjarjen, është përgjigjur se Komisioni ka kërkuar vazhdimisht nga përfaqësuesit e Republikës Srpska që të kthehen plotësisht në institucionet shtetërore.

?Komisioni synon të nënshkruajë marrëveshje përkatëse për ndarjen e fondeve për dy investime (pako investimi për lidhjet rrugore dhe hekurudhore) me vlerë 600 milionë euro vetëm pas përfundimit të krizës politike, me kusht që përfaqësuesit e Republikës Srpska të kthehen në institucionet shtetërore?, reagoi KE.

Marrëveshja Putin-Dodik

Kjo media raportoi gjithashtu se Ambasada ruse njoftoi së fundmi se Putin dhe Dodik nënshkruan një marrëveshje në fillim të dhjetorit, e cila tani duhet të zbatohet gradualisht. Në kontekstin e luftës kundër Ukrainës, ka shqetësime se Dodik mund të shpallë pavarësinë e Republikës Srpska kur ligjet e para për shpërbërjen e institucioneve shtetërore të hyjnë në fuqi në maj. Ekzistojnë gjithashtu shqetësime se Dodik më pas mund t’u bëjë thirrje anëtarëve serbë të Gjykatës Kushtetuese të japin dorëheqjen, duke e bërë Gjykatën Kushtetuese jofunksionale. Së treti, ka shqetësime se Kremlini mund të njohë pavarësinë e Republikës Srpska, analoge me “republikat popullore” të Luganskut dhe Donetskut, shkruan gazeta e Vjenës. Gjithashtu thuhet se ekspertët e sigurisë kanë paralajmëruar prej muajsh se Kremlini me ndihmën e Dodik dhe miqve të tij mund të hapë një front tjetër destabilizimi në Ballkan./ CNA.al

 

 

 





Lajmet e fundit nga