web counter
LEXO PA REKLAMA!

SHKARKO APP

App Store
Google Play

Lirohet ish kryeministri bullgar Borisov/Prokuroria justifikohet me mungesë provash

18 Mars 2022, 20:55, Kosova & Bota CNA

Ish-kryeministri bullgar Bojko Borisov është liruar sot pas arrestimit të bujshëm të ndodhur mbrëmjen e djeshme, me dyshimin për përvetësim dhe zhvatje.

Politikani populist 62-vjeçar, i cili qeverisi thuajse pandërprerë mes viteve 2009 dhe 2021, deklaroi pas largimit se ishte liruar nga akuzat, diçka që Prokuroria e konfirmoi pak më vonë.

Borisov u arrestua së bashku me disa anëtarë të partisë së tij konservatore, duke përfshirë ish-ministrin e financave Vladislav Goranov, i cili gjithashtu u lirua nga akuzat.

?Ndërsa darkonim me nipërit, oficerët me rroba civile hynë në shtëpinë time për të kontrolluar dhe në fund nuk gjetën asgjë që të justifikonte arrestimin. Megjithatë, më morën në paraburgim. U kthyem në koha e komunizmit kur këto praktika ishin të zakonshme?, tha Borisov për shtypin në dalje të godinës së Drejtorisë së Përgjithshme të Policisë, raportoi Swissinfo.ch.

Ministria e Brendshme bëri me dije mbrëmë në një deklaratë se arrestimet ishin pjesë e ?një operacioni të gjerë në lidhje me 120 raste të Prokurorisë Publike Evropiane? për përvetësim të fondeve të komunitetit të BE.

Mirëpo, Prokuroria Rajonale e Sofjes, pasi u njoftua për arrestimin, sot siguroi se rasti nuk ka lidhje me Prokurorinë Evropiane dhe theksoi se policia ka hapur procedurë paraprake për zhvatje ndaj Borisovit.

Sipas ligjit bullgar, një i arrestuar mund të mbahet në paraburgim policor për maksimum 24 orë gjatë procedurës paraprake dhe nëse ka prova të forta, Prokuroria Publike mund ta zgjasë periudhën e paraburgimit në 72 orë.

?Prokuroria ka verifikuar se materialet e paraqitura nga policia nuk janë të mjaftueshme për të mbështetur hipotezën se të arrestuarit kanë kryer një krim?, deklaroi institucioni pas lirimit të Borisov./ CNA.al

 





Lajmet e fundit nga