web counter
LEXO PA REKLAMA!

SHKARKO APP

App Store
Google Play

E fundit!

x

Sllovakia e gatshme t’i japë Ukrainës sistemin mbrojtës/ Ministri i Mbrojtjes: Kemi nevojë për "zëvendësimin e duhur"

17 Mars 2022, 16:10, Kosova & Bota CNA

Ministri sllovak i Mbrojtjes Jaroslav Nad tha se Sllovakia është e gatshme t’i sigurojë Ukrainës sistemet e mbrojtjes ajrore S-300. Ai ka sqaruar gjithashtu se janë në diskutime me SHBA-në dhe aleatët e tjerë për marrjen e një zëvendësimi adekuat, që nuk do të lërë pa mbrojtje vetë Sllovakinë.

“Ne jemi të gatshëm ta bëjmë këtë menjëherë kur të kemi një zëvendësues të duhur. I vetmi sistem strategjik i mbrojtjes ajrore që kemi në Sllovaki është sistemi S-300. Pra, ajo që do të ndodhte menjëherë kur të vendosim t’ua japim ukrainasve është që ne të krijojmë një hendek, një hendek sigurie në NATO?, tha Nad në një konferencë të përbashkët shtypi me Sekretarin e Mbrojtjes së SHBA, Lloyd Austin.

Sllovakia, një nga tre aleatët e NATO-s që kanë sistemet e mbrojtjes në fjalë, kërkon garanci se sistemet do të zëvendësohen menjëherë, raportoi CNN.

Përpjekja për të marrë më shumë S-300 në duart e ukrainasve vjen pasi Kongresi i ka bërë presion administratës Biden për të ndihmuar Ukrainën të marrë sistemin e mbrojtjes ajrore./ CNA.al

 

 





Lajmet e fundit nga