web counter
LEXO PA REKLAMA!

SHKARKO APP

App Store
Google Play

“Rama po shpërndan lëmoshë”/ Basha: Qëllimi i vetëm është mjerimi i shqiptarëve

14 Mars 2022, 10:51, Politikë CNA

Kryetari i shkarkuar i PD, Lulzim Basha ka reaguar në lidhje me të ashtuquajturën ?paketa e rezistencës sociale? e prezantuar nga kryeministri Edi Rama.

Në një postim në rrjetet sociale, Basha shkruan se Rama po shpërndan lëmoshë dhe se qëllimi i tij është që të zhysë shqiptarët në mjerim.

Ssipas Bashës, zgjidhjen PD ia ka propozuar prej kohësh Ramës.

?Edi Rama vazhdon të tallet me qytetarët me gjoja paketa shpëtimi. Është e njëjta skemë siç bëri në kohën e pandemisë, ku shumica dërmuese e shqiptarëve u zhyten në mjerim.

Qeveria ka parashikuar të shpërndajë lëmoshë tek grupe të kufizuara, që po mbijetojnë, kur në fakt rritja e çmimeve prek të gjitha shtresat dhe do të zhysë në varfëri qindra mijëra familje.

Zgjidhje ka.

Ia kemi propozuar kohë më parë ku i kërkuam të marrë masa. Sepse shqiptarët janë aq të varfër sa nuk i përballojnë dot kostot shtesë për të përmbushur nevojat bazë.

Mjafton të shohësh vendet fqinje për të kuptuar se ka zgjidhje që ndihmojnë të gjithë qytetarët.

Kuvendi i Maqedonisë së Veriut ka miratuar ligjin për uljen e akcizës për karburantet dhe Tatimit mbi Vlerën e Shtuar nga 18 në 10 %. Po kështu ka vendosur për uljen e TVSH-së për ushqime bazë nga 5 në 0 %.

Por ndërkohë që bën sikur po ndihmon qytetarët, në këtë kohë krize qeveria po programon më shumë taksa; do rikthejë taksën për Biznesin e Vogël dhe një sërë taksash të tjera që do ta rëndojnë edhe më shumë gjendjen.

Me lëmoshë nuk zgjidhet kriza, ajo vetëm thellohet më shumë. ?-shkruan Basha./CNA.al





Lajmet e fundit nga