E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

"Më e pakta mbyll gojën”/ Kryemadhi i përvishet Ramës, pas deklaratave për luftë

8 Mars 2022, 10:22, Politikë CNA

Kryetarja e LSI-së Monika Kryemadhi ka reaguar ashpër pas deklaratave të kryeministrit Edi Rama, se Shqipëria rrezikohet nga lufta.

Me anë të një postimi në rrjete sociale, Kryrmadhi i drejtohet Ramës, duke i thënë se më e pakta që mund të bëjë është të mbyll gojën.

Sipas Kryemadhit, lufta nuk është gjendje psiqike, por shpallet sipas parashikimeve ligjore.

?Shqipëria nuk ka shpallur ligjërisht gjendjen e luftës dhe çmimet e karburanteve, energjisë elektrike, taksat e larta, janë të ndikuara vetëm prej vendimmarrjeve të Edi Ramës në krye të qeverisë.

Qytetarët në Maqedoninë e Veriut, vend i cili nuk prodhon asnjë fuçi naftë, e marrin naftën më lirë dhe cilësisht më të mirë se qytetarët tanë.

Nafta që marrin qytetarët e Kosovës importohet në Durrës, transportohet deri atje dhe në pompa është më e lirë se nafta që marrin qytetarët tanë.

Kaq duhet të mjaftojë për të kuptuar cili është ndikues për shtrenjtimin aktual të karburanteve, produkte jetike që ndikojnë ekonominë e çdo familje dhe biznesi në vend.

Ndryshe nga vendet e tjera të Evropës që vuajnë për burime të prodhimit të energjisë, Shqipëria është e pasur në nëntokën e saj me naftë, e bekuar me burime hidrike për prodhim energjie, me diell përgjatë gjithë vitit.

Përmes një qeverisje të kujdesshme në menaxhimin e tyre, shqiptarët energjinë elektrike, naftën dhe nënproduktet e saj do duhet t?i merrnin gjithmonë me kosto shumë herë më të përballueshme?, shkruan Kryemadhi.

Më tej ajo ka apeluar qytetarët që të mos i marrin seriozisht deklaratat e Ramës.

?Mos ja hani gënjeshtrat por kërkojini të mbajë përgjegjësi!

Sepse, një njeri që edhe plehrat i shikon si mjet për tu pasuruar, siç tregoi afera e inceneratorëve, për të cilin presim SPAK të godasë fortë e lartë, në çdo moment të ushtrimit të funksionit njerëzit i konsideron miza dhe xhepin e vet më të rëndësishëm se ekonomia e familjeve shqiptare?, shkruan më tej Kryemadhi.