E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Analisti i Lulit: Shtëpia e Lirisë nuk votohet nga shqiptarët, do renditet e treta

7 Mars 2022, 20:41, Politikë CNA

Koalicioni Shtëpia e Lirisë arriti të siguronte fitoren në Bashkinë e Shkodrës, ndërsa në 5 bashkitë e tjera mundi bindshëm kandidatët e Lulzim Bashës.

Por analisti i Lulit Fitim Zekthi para zgjedhjeve ishte shpresplotë se Shtëpia e Lirisë nuk do merrte votëbesimin e qytetarëve dhe këtë e bazoi në vendimin e DASH për ish kryeministrin Sali Berisha.

?Shtëpia e Lirisë gradualisht do e humbasë zërin e saj do filloj të bëhet gjithmonë e më e zbehur, pavarësisht rezultatit që do marrë në datën 6 mars. Nuk është data 6 mars që mund ta legjitimojë narrativën politike të Shtëpisë së Lirisë, sepse Shtëpia e Lirisë nuk ka një problem as me PD as me Shqipërinë as me PS. Shtëpia e Lirisë ka një problem më të madh se kjo.

Shtëpia e Lirisë ka një problem me një marrëdhënie të caktuar ndërkombëtare. Sa kohë nuk e ka zgjidhur atë gjë, nuk mund të përcaktohet një forcë politike me ardhmëri në Shqipëri?, tha ai.

Madje Zekthi besonte se Shtëpia e Lirisë do të dilte forcë e tretë dhe se nuk mund të konsiderohej opozita alternative e Shqipërisë.

?Nuk mendoj që shqiptarët do e votojnë, në mënyrë që ajo të konsiderohet opozita alternative e Shqipërisë. Nëse nuk ke me vete kohën, faktorin politik madhor, nëse nuk ke me vete një fabul politike që ofron ardhmëri, sigurisht që nuk e merr dot votën e shqiptarëve, kjo as nuk diskutohet fare e para. Dhe e dyta nëse do dalë mirë në zgjedhje, se më i miri që mund të ketë ajo është të dali diku e dyta. Por unë nuk mendoj se do dalë e dyta. Nëse Shtëpia e Lirisë do dal e dyta qartësisht dhe zoti Basha do dalë qartësisht i treti duke humbur dukshëm, pra do e kemi 1 me 2 raportin, sigurisht që zoti Basha e ka humbur legjitimitetin do të duhet që PD të hyjë në një proces total zgjedhjesh?, shprehej ai dy ditë para zgjedhjeve.

E kur jemi një ditë pas votimit apo ditën kur KQZ certifikoi rezultatin, qartazi e kuptua se kush u rendit si forcë e tretë dhe kush është opozita reale që u mbështet masivisht nga demokratët./E.K-CNA.al