web counter
LEXO PA REKLAMA!

SHKARKO APP

App Store
Google Play

Fitoi bashkinë e Shkodrës/ Berisha: PD u përball me kreun e Meduzës dhe patericën e tij, Lul Bravën

7 Mars 2022, 16:26, Politikë CNA

Ish kryeministri Sali Berisha në një deklaratë për mediat, ka falenderuar dhe ka uruar Shkodrën për fitoren që i dhuroi kandidatit të Shtëpisë së Lirisë, Bardh Spahia.

Berisha ironizoi edhe kryetarin e shkarkuar Lulzim Bashën, për deklaratat e tij ku shprehet se nuk ka humbur asnjë garë. Lideri e quan Bashën si të vetmin demokrat që edhe humbjet nuk i quan humbje.

?Shkodra është simbol frymëzimi i popullit opozitar në Shqipëri. Ajo mbetet e pamposhtur. Kam një falenderim për të gjithë demokratët dhe aleatët që u anagzhuan në këtë fushatë elektorale, edhe për kandidatët tanë që përfaqësuan Shtëpinë e Lirisë.

Falenderoj ata që zbardhën rezultatin duke numëruar votat. Rezultati u arrit në kushtet më të vështira dhe të jashtëzakonshme në 30 vjet.

PD u përball me kreun  e Meduzës por edhe me patericën e tij, me shtojcën e tij Lulzim Bravën, i cili sot është demokrati i vetëm në Shqipëri që ndjen se nuk humbet dhe nuk ka humbur. I ka dhënë një zgjedhje problemit duke shpallur çdo humbje, jo fitore, por jo humbje?, tha Berisha./A.E-CNA.al





Lajmet e fundit nga