web counter
LEXO PA REKLAMA!

SHKARKO APP

App Store
Google Play

E fundit!

x

Zelensky thirrje Putin/ “Ndal bombardimet”

1 Mars 2022, 18:45, Kosova & Bota CNA

Presidenti i Ukrainës, Volodymyr Zelenskiy, në një intervistë për Reuters ka kërkuar që Rusia të ndalojë bombardimet ndaj qyteteve ukrainase dhe të nisë me bisedimet për armëpushim pas raundit të parë të bisedimeve.

Zelensky u kërkoi anëtarëve të NATO-s të vendosin një zonë ndalim fluturimi për të ndaluar forcën ajrore ruse, duke thënë se kjo do të ishte një masë parandaluese dhe nuk do të kishte për qëllim të tërhiqte aleancën në luftë me Rusinë.

Zelensky, i cili ka refuzuar ofertat për t’u larguar nga kryeqyteti ukrainas ndërsa forcat ruse përparuan në Kiev, tha gjithashtu se Ukraina do të kërkonte garanci ligjërisht të detyrueshme sigurie nëse NATO mbyll derën për perspektivat e anëtarësimit të Ukrainës.

Duke vendosur kushtet e tij për bisedime të mëtejshme me Rusinë, Zelenskiy i tha Reuters dhe CNN në një intervistë të përbashkët:

“Është e nevojshme që të ndalet bombardimi i njerëzve, thjesht të ndalojnë bombardimet dhe më pas të ulen në tryezën e bisedimeve“.

Pikërisht teksa ai po fliste, doli lajmi se një raketë ruse kishte goditur një kullë televizive pranë një vendi përkujtimor të Holokaustit në kryeqytetin ukrainas, duke vrarë të paktën pesë persona. Më herët të martën, raketa goditën zemrën e qytetit lindor të Kharkiv./ CNA.al





Lajmet e fundit nga