web counter
LEXO PA REKLAMA!

SHKARKO APP

App Store
Google Play

Si i shpenzoi bashkia paratë?/ Basha me banorët në Vorë, kërkon audit për fondet e tërmetit

1 Mars 2022, 15:23, Politikë CNA

Kyetari i shkarkuar Lulzim Basha ishte pasditen e sotme në Vorë, ku ka zhvilluar takime me qytetarët së bashku me kandidatin Ymer Marku.

Ndër të tjera Basha vizitoi një familje që jeton prej më shumë se dy vitesh në çadër, pasi banesa iu dëmtua nga tërmeti.

Basha u zotua së një nga detyrat e para që do të bëjë Marku si kryetar bashkie është një audit me fondet e tërmetit sesi janë shpenzuar paratë.

?Si kanë shkuar lekët e njerëzve? Se lekët tuaja janë ato, të taksave janë. Duke nisur nga ankesat dhe denoncimet e banorëve e deri tek librat, se në shtet çdo gjë le gjurmë, siç e keni parë dhe me këtë të inceneratorëve. Këta kujtuan se do merrnin 430 mln euro shqiptarëve , e do zhdukeshin pa lënë gjurmë. Gjëja e parë me vendos drejtësi, se nuk është fillimi i një rruge.

Prandaj e diela ka kete rëndësi, është një hap i parë për të treguar, që shqiptarët e kanë forcën, banorët e Vorës e kanë forcën për ti dhënë një shenjë, një sinjal të fortë të keqes. Të paktën keni njeriun tuaj që jua njeh hallet, jua qan hallet, e keni derën e hapur, e dini që është një njeri që nuk përkulet para presionit të askujt dhe të paktën ato taksat e bashkisë që ju I paguani njësoj siç paguani e qeverisë të mos shkojnë për këto 700 veta që nuk merret vesh se çfarë pune por të shkojnë tek hallexhinjtë, të shkojnë tek familjet në nevojë dhe për të riparuar këto banesat që kanë dy vite e tre muaj që nuk preken ndërkohë që njerëzit jetojnë akoma në çadra, se kur ju thua që njerëzit jetojnë në çadra e kyçin gojën, bëjnë sikur nuk dëgjojnë. Nuk është zgjidhja përfundimtare por e keni një njeri tuajin aty që do të ketë hallet tuaja në mendje e në zemër edhe forcën për të ngrit zërin për ju.Do e keni sikur të ishte vetja juaj, por e keni në bashki.?/ E.T-CNA.al

 





Lajmet e fundit nga