web counter
LEXO PA REKLAMA!

SHKARKO APP

App Store
Google Play

Ndarja nga jeta e Bardhyl Londos/ Dedikimi i Niko Peleshit: La pas kujtimin e një njeriu të mirë

18 Shkurt 2022, 21:44, Aktualitet CNA

Ministri i Mbrojtjes Niko Peleshi ka reaguar për ndarjen nga jeta të shkrimtarit Bardhyl Londo.

Përmes një postimi në rrjetin social Facebook, Peleshi teksa ka publikuar librin e Londos ?Fluturimi i Korbave?, ka cituar dhe një pjesë të vargjeve shkruar nga poeti i madh, teksa shkruan se ai la pas kujtimin e një njeriu të mirë.

Reagimi i plotë i Niko Peleshit:

Bardhyl Londo la pas vargje të ndjera dhe kujtimin e një njeriu të mirë. #Ipaharruar

E dua këtë qytet. Dhe ai më do herë pas here.

Kur jemi larg krahët tundim drejt njëri-tjetrit

si mullinj ere.

Kur jemi pranë qeshim, heshtim, qajmë,

Malli mbi katedralen e qytetit tingëllon kambanë.

Tani kalldrëmeve eci i vetëm në mesnatë,

pa një kitarë malli, pa një mall serenate.

Pa shokë, pa miq shpërndarë nëpër botë për jetë

me një hënë të huaj që nuk di ç?ndriçon as vetë.

Hapuni porta, u bërtas, s?më njihni? Jam miku juaj.

Është vonë, thonë ato, ç?kërkon kaq vonë o i huaj?

Mbi kalldrëmet e ashpër si me gurë strralli

nuk shkel këmba ime por ngadalë zvarritet malli.

Pa një tavernë hapur, pa një pijetore zhurmëshumë,

i verbër si Homeri ngjan qyteti, do verbohem edhe unë.

Të desha, i bërtas dhe ti më doje herë pas here,

pse më fshihesh tani, pse s?më hapet asnjë derë?

Në këmbanore do ngjitem, kambanës ti bie pa pra,

në këtë qytet nuk kam më asgjë.

Në këtë qytet kam gjithçka./E.K-CNA.al





Lajmet e fundit nga