web counter
LEXO PA REKLAMA!

SHKARKO APP

App Store
Google Play

E fundit!

x

Momente tmerri në det/ Trageti i linjës Greqi-Itali shkrumbohet nga flakët, 11 të zhdukur

18 Shkurt 2022, 08:12, Aktualitet CNA

Një ngjarje e rëndë ka ndodhur në orët e para të mëngjesit të sotëm, ku trageti i linjës Greqi-Itali, ‘Euroferry Olympia’ është përfshirë nga flakët.

Mediat raportojnë se ngjarja ka ndodhur rreth orës 04:30, ndërsa raportohet për 11 persona të zhdukur.

Mësohet se flakët kanë shpërthyer menjëherë pas nisjes nga porti grek ndërsa shkaqet janë ende të paqarta.

Në bord ishin 237 pasagjerë, ndërsa 51 ishin anëtarë të ekuipazhit të cilët janë evakuuar nga tre varka.

Lajmi është bërë i ditur nga policia portuale greke, e cila ka kontaktuar rojet bregdetare italiane.

Disa nga pasagjerët shprehen se flakët kanë nisur nga garazhet e tragetit, ndërsa disa të tjerë thonë se në garazhe ka pasur edhe shoferë kamionësh të cilët kanë qenë në gjumë.

?Ajo që përjetuam ishte një makth?, tha njeri prej pasagjerëve të evakuuar.

Nga ana tjetër, banorë të ishullit të Korfuzit kanë treguar se fillimisht panë tymin që dilte nga anija në flakë e më pas kanë dëgjuar edhe shpërthime. Mediat greke bëjnë me dije se 3 helikopterë ndodhen në zonën detare, ndërsa po ashtu është edhe një anije tjetër.

Flakët janë vënë tashmë nën kontroll, teksa po hetohet për të mësuar shkaqet e rënies së zjarrit./CNA.al





Lajmet e fundit nga