web counter
LEXO PA REKLAMA!

SHKARKO APP

App Store
Google Play

Vendimi i Kushtetueses për Metën/ Patozi: Nuk ishte surprizues, interesi publik ka humbur

17 Shkurt 2022, 19:17, Politikë CNA

Koordinatori i Bindjes Demokratike Astrit Patozi ka komentuar vendimin e Gjykatës Kushtetuese, e cila rrëzoi Kuvendin për shkarkimin e Ilir Metës si president.

Në një intervistë për emisionin Debat me Alba Alishanin në A2CNN, Patozi ?zbërtheu? vendimin dhe tregoi pse ky lajm as nuk e gëzoi dhe as nuk e mërziti.

Sipas tij, kushdo të ishte vendimi, dëmi është bërë sepse në të dyja rastet interesi publik ka humbur.

?Nuk ishte surprizues, ka kohë që nuk më  çudit më asnjë gjë që ndodh në këtë vend. Edhe vendimin e quaj si rrjedhojë të një gjëje të pritshme, ndërkohë që unë nuk futem as te grupi i atyre që janë gëzuar as te ata të tjerët  që janë mërzitur tek vendimi i djeshëm i Gjykatës Kushtetuese. Unë ndjehem i zhgënjyer sepse cilido të ishte vendimi i mbrëmshëm, gjithsesi dëmi është bërë sepse në të dyja rastet interesi publik ka humbur.

Në rast se Ilir Meta do shkarkohej mesazhi do të ishte që mazhoranca të merr përpara mjafton që ti dalësh kundër, qoftë edhe kryetari i shtetit. Në rastin që Ilir Meta nuk shkarkohet pastaj kalojnë në ekstremin tjetër, që në Shqipëri mund të bësh çfarë të duash, mjafton të jesh pushtetar në nivele të larta, ashtu siç është rasti i Ilir Metës, i cili  nuk ka lënë gjë pa bërë, kundër Kushtetutës kundër unitetit kombëtar e gjithçka tjetër kundër staturës së presidentit në përgjithësi.

Në këtë kuptim, unë nuk hyj as te njerëzit e gëzuar as tek ata që janë mërzitur. I vetmi që ka fituar është Foltorja dhe Sali Berisha sepse edhe vetë Metën nuk e shoh të ketë fituar ndonjë gjë të madhe. Edhe po të rrinte edhe po të ikte punë dy tre muajsh do të ishte?, tha Patozi./E.K-CNA.al





Lajmet e fundit nga