E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Ish zyrtarja e Lefter Kokës e thirrur nga SPAK/ Plas debati në komisionin për inceneratorët

16 Shkurt 2022, 11:17, Aktualitet CNA

Në Komisionin hetimor për inceneratorët e para që është paraqitur këtë të mërkurë ka qenë dëshmitarja Sabina Cenameri, specialist në Ministrinë e Mjedisit në sektorin e vlerësimit për mjedisin.

Cenameri është justifikuar duke thënë se atëherë kur kanë ndodhur proceduarat për incenerimin ka qenë e re dhe nuk kishte njohuritë e duhura.

?Në atë periudhë njohuritë e mia mbi incenerimin ishte fillestare, pashë procedurat që më pas do të ndiqte ky impiant. Nuk gjykoj dot dhe nuk mbaj mend si sot e para 7 viteve gjëra në lidhje me vendndodhjen?, ka thënë ajo.

Cenameri gjatë marrjes në pyetje është shfaqur e prekur, gjë ka prodhuar debat me mazhoranës dhe deputetëve të PD-së.

Ka qenë deputeti Eduart Shalsi i cili ka zbuluar se Cenameri është thirrur edhe nga SPAK, ndaj sipas tij nuk duhej të merrej në pyetje nga komisioni hetimor parlamentar.

Diskutimi

Jorida Tabaku: Nuk është e thirrur, ka dhënë dëshmi

Eduart Shalsi: Në SPAK?

Cenameri: Po, kam dhënë dëshmi në SPAK

Eduart Shalsi: I kërkoj komisionit që pavarësisht statusit se si është thirrur në SPAK zonja të përjashtohet nga dëshmia dhe nuk mund të marr pjesë në këtë organizim

Jorida Tabaku: Nuk ka lidhje e sqaruam, nuk kemi pyetje në lidhje me ata që janë paditur pasi kanë firmosur që të mos deklarojnë asgjë jashtë SPAK-ut. Zonja do pyetet, ka dëshrë përgjigjet, s?ka dëshirë nuk përgjigjet. Nuk ushtrojmë resion mbi askënd.

Eduart Shalsi: Ok e respektoj atë që thoni ju, pashë një gjendje emocionale krejtësisht të papërshtatshme për të bërë të mundur një marrje në pyetje objektive, duhet të jemi te kujdesshëm pasi në një gjendje emocionale të tilla nuk është objektivisht e vlefshme që të dëgjojmë një dëshmi të tillë, unë e marr një vendim.

Jorida Tabaku: Unë nuk e përmenda këtë incident, ju e hapët këtë. Zonja u vu në siklet nga ana juaj, ne duam të bëjmë publike fatket mbi këtë dosje./CNA.al