VIDEO / Guindo është përsëri heroi, Laçi vazhdon t’i bëjë presion kreut me fitoren ndaj Dinamos

14 Shkurt 2022, 18:04, Sport CNA

Një gol i Saliu Guindo i ka mjaftuar përsëri Laçit që të sigurojë tre pikët e radhës në kampionat dhe të vazhdojë të mbajë nën trysni Tiranën kryesuese. Skuadra e Mirel Josës mori fitoren e katërt radhazi në kampionat duke mundur me shifrat 1-0 Dinamon që vazhdon të gjendet në zonën e rrezikuar të klasifikimit.

Kurbinasit u shfaqën agresivë në pjesën e parë dhe falë trysnisë së vazhdueshme para portës së Dinamos, derisa gjetën golin me anë të Guindo. Më pas, skuadra e Josës mendoi që të mbronte me kujdes ofensivën e Dinamos që u përpoq të kthente fatin e sfidës por konfirmoi se nuk ka një raport të mirë me golin, duke sjellë humbjen e radhës edhe pse rastet nuk munguan për të barazuar shifrat.

DINAMO ? LAÇI 0-1
24? Guindo

MINUTË PAS MINUTE

90?+6? Mbyllet ndeshja me fitoren 1-0 të Laçit.

90?+3? Mehmetllari ndëshkohet me karton të verdhë pas një ndërhyrje nga mbrapa ndaj Shehut.

90?+2? Dy harkime radhazi në zonë me mbrojtjen e Laçit që ka vështirësi të largojë topin. Denison provon me roveshatë por çon sferën në duart e Dajsinanit.

90? Jepen 5 minuta shtesë.

88? Guindo i lë vendin Van Dejv në minutat e fundit.

82? Blutë kanë kontrollin e potë të lojës në këto minuta të fundit, ndërsa Laçi është tërhequr duke administruar minutat dhe rezultatin.

78? Mehmetllari merr vendin e Lilajt te Dinamo, ndërsa Josa përgjigjet me Zylfiun në vend të Akiniemit.

76? Goditje dënimi e ibraimit i cili nis topin në shtyllën e dytë për Prodanin, ky i fundit devijon por nuk gjen katërkëndorin e Laçit.

71? Ibraimi nis topin te Haxhiu, mesfushori gabon gjuajtjen edhe pse në pozicion të favorshëm në zonë dhe sfera përfundon jashtë.

67? Deliu ndëshkohet me karton të verdhë për faull ndaj Haxhiut në mesfushë.

65? Ujka përfiton nga një top i larguar keq nga mbrojtja e Dinamos për të tentuar portën nga jashtë zonës, por harkimi i tij përfundon jashtë.

63? Akiniemi hyn përsëri në zonë në krahun e majtë, shmang dy lojtarë por shtyn sferën më shumë se sa duhet, duke mos arritur të pasojë drejt qendrës.

60? Çinedu shfaqet përsëri në zonë, por nuk ka shpejtësinë e duhur për t?u rrotulluar dhe gjuajtur drejt portës, teksa i lejon mbrojtjes kundërshtare të largoje sferën.

59? Ibraimi nis një top të gjatë për Çinedu në zonë, ky i fundit rrëzohet dhe nuk kontrollon sferën para Dajsinanit.

58? Kundërsulm i shpejtë i Laçit me Guindon i cili nis Akiniemin drejt zonës. Sulmuesi i afrohet portës por nuk arrin të gjuajë, pasi mbulohet menjëherë nga mbrojtësit kundërshtarë.

57? Devolli ndryshon sulmin, duke hedhur në fushë dyshen Ibraimi-Çinedu. Nga fusha largohen Maliqi dhe Mihana.

53? Turkaj ndëshkohet me karton të verdhë pas një faulli ndaj Haxhiut.

51? Bardhi nuk vazhdon dot më për shkak dëmtimi te Dinamo, duke i lënë vendin Haxhiut.

50? Aksion i Akiniemit në krahun e majtë, topi në qendër shkon te Velija i cili gjuan nga jashtë zonës, por Simoni grushton.

46? Fillon pjesa e dytë pa ndryshime në radhët e dy ekipeve.

45?+1? Mbyllet pjesa e parë me avantazhin e Laçit.

45? Jepet një minutë shtesë.

43? Denison ka mundësinë të barazojë shifrat me një penallti në lëvizje, por gjuajtja e tij ndalet nga mbrojtja e Laçit.

42? Akiniemi nis në kundërsulm Guindon i cili shfaqet para portës së Dinamos, por pastaj gabon sepse as nuk gjuan në portë dhe as nuk pason.

40? Ndëshkohet edhe Shehu për një ndërhyrje ndaj Lilajt, duke dhuruar një goditje dënimi pranë zonës së skuadrës së Laçit.

37? Edhe Lilaj ndëshkohet me karton të verdhë pas një ndërhyrje ndaj Deliut.

33? Siljanovski tenton me një harkim në zonë nga e djathta por Dajsinani del dhe kontrollon para sulmuesve të Dinamos.

27? Sidibe ndëshkohet me karton të verdhë pas një faulli ndaj Deliut.

24? GOOOL Laçi. Pas zhvillimit të një goditje nga këndi, janë tre tentativa radhazi të kurbinasve dhe i fundit është Guindo i cili mposht Simonin dhe çon sferën në rrjetë.

12? Ndeshje e qetë në këto minuta, pasi skuadrat rrezikojnë pak në zonat kundërshtare.

6? Mihana provon të gjuajë me kokë, por sfera kalon shumë lart mbi traversën e Dajsinanit pa rrezikuar portierin.

3? Menjëherë rrezikshëm Laçi me Akiniemin i cili i afrohet portës nga e majta dhe gjuan në kuadrat, por Simoni ndal topin me këmbë.

1? Nis ndeshja me topin e parë nga qendra të luajtur nga Dinamo.