web counter
LEXO PA REKLAMA!

SHKARKO APP

App Store
Google Play

Memelli: Nuk kemi pasur fat, duam kthesën ndaj Partizanit

14 Shkurt 2022, 09:32, Sport CNA

Skënderbeu po kalon një moment jo të mirë në kampionat dhe ka nevojë për pikë që të mbajë gjallë garën për mbijetesë. Korçarët do të përballen në shtëpi me Partizanin sot në orën 16:45. Në konferencën për shtyp në prag të kësaj sfide, trajneri Migen Memelli ka folur për gjendjen e skuadrës, kundërshtarin, si dhe objektivat e Skënderbeut.

?Kampionati do të jetë i vështirë deri në javët e fundit. Përpos kësaj, edhe skuadrat e tjera kanë problemet dhe vështirësitë e tyre. Në këtë moment jemi në një pozicion jo komod, por kam besim se do të dalim nga ky moment në këto javë. Na ka munguar fati. Shpresoj që të vijnë dhe pikët, pasi loja në tri ndeshjet e fundit ka qenë e mirë. Duhet të përmirësohemi akoma dhe do të mundohemi të bëjmë sa më pak gabime. Partizani, ashtu si kundërshtar, është i vështirë. Ndeshje pas ndeshjeje kampionati bëhet më i vështirë. Nuk është e lehtë të fitosh në kampionatin tonë.

Ne do të bëjmë ndeshjen tonë, shpresojmë që të marrim maksimumin. Skuadra duhet të ketë qetësinë e duhur, që na ka munguar në ndeshjet e fundit. Të minimizojmë gabimet individuale. Shpresoj që forca e grupit të dalë në pah dhe të fillojmë me rezultatet pozitive.

Na mungojnë disa lojtarë për shkak dëmtimesh, skuadra ishte mësuar me lojën e tyre. Meksi është jashtë këtë javë prej problemit në kavilje. Vitija, Moraesh dhe Vrapi shpresojmë që të na bashkohen javën e ardhshme?, ka thënë tekniku i korçarëve.





Lajmet e fundit nga