web counter
LEXO PA REKLAMA!

SHKARKO APP

App Store
Google Play

E fundit!

x

"Bashën e tërheq Rama nga hunda"/ Ristani: Pas belgëve do vijnë edhe amerikanët për ta marrë në pyetje

11 Shkurt 2022, 19:48, Politikë CNA

Anëtari i Komisionit të Rithemelimit, Arben Ristani ka folur rreth vendimit për shtyrjen e afateve të vettingut dhe votimin e dy komisioneve për Reformën Zgjedhore dhe Territoriale.

I ftuar në emisionin “Radari informativ” në Abc news, Ristani ka nxjerrë zbuluar Bashën duke  deklaruar se, ka qenë vetë Basha ai që ka bllokuar Territorialen pak vite më parë, ndërsa sot e kërkon që ta rikthejë.

Ristani thekson se Basha është kapur dhe se tërhiqet prej hunde nga Rama.

?Reforma në drejtësi është e nevojshme dhe në veçanti vettingu ka qenë i domosdoshëm. Kur u bë kushtetuta edhe politikanët shqiptarë edhe partnerët tanë ndërkombëtarë e menduan që kjo mënyrë do të vazhdonte për kaq kohë jo për të gjithë jetën. Kushtetuta bëhet për një kohë të gjatë sepse e bëjnë burrat e shtetit. Njerëzit e përgjegjshëm dhe me mend. Edhe kur do të bësh një ndryshim të tillë një konsultim të tillë, pse nuk e realizove detyrën kushtetuese gjatë këtyre viteve. Njerëzit e kanë të nevojshme transparencën.

Duhet një sqarim për çdo gjë që bëhet. Do një transparencë. Do një shpjegim. Jemi njerëz të arsyeshëm. Kush na garanton që këto pasoja nuk do vazhdojnë edhe në ditët në vijim. Basha është kapur dhe Rama e tërheq nga hunda. Problemin shqiptarët sot e kanë me keqqeverisjen. Basha u tërhoq nga reforma territorial para shumë vitesh. Të gjithë shqiptarët e dinë që reforma territoriale ka impakt të madh për të manipuluar zgjedhjet. Sot bën gjoja negociatat për të rikthyer atë që e la vetë. Reformat kanë gjithmonë rëndësi por duhet të ketë përgjegjshmëri dhe llogaridhënie në këtë vend. Ata që i bëjnë të këqijat vendit nuk mund të jenë shpëtimtarët?, tha Ristani.

Ndër të tjera Ristani ka përmendur edhe marrjen në pyetje të Lulzim Bashës nga prokurorët belgë në lidhje me dosjen Toyota Yaris. Sipas tij ata kishin dërguar disa thirrje që Basha të paraqitej për të dhënë dëshmi në Belgjikë ndërsa dje kanë paralajmëruar se do ta marrin me forcë nëse nuk shkon në SPAK.

Demokrati gjithashtu tha se Basha nuk shkon dot në SHBA për shkak të dosjes për pastrim parash dhe se është e mundur që të vijnë edhe prokurorë amerikanë për ta marrë në pyetje.

?Basha është bërë si fëmijët mistrecë që i bien me çokë të tjerët për gabimet që bën. I bie Rama, Berisha, Meta, drejtësia amerikane se nuk shkon dot në Amerikë për çështjen që ka atje. Është e mundshme që të vijnë edhe prokurorë amerikanë për ta marrë në pyetje. Ka pasur një dëshmi të lobuesit të kontraktuar nga Basha që ka marrë 500 mijë dollar në dorë. Në atë kohë nuk ishte dëshmi para trupës gjyqësore. Aktualisht është dëshmi para trupës gjyqësore. Për shkak të hetimeve dëshmia është dhënë edhe para organeve gjyqësore.

Kemi konfirmimin që Basha i ka dhënë këto para. Kjo çështje është në hetim dhe është në përfundim e sipër. Nga ana tjetër është hetimi i prokurorëve belgë. Pavarësisht se nuk merr një jehonë të plotë në media, Bashën e kanë thirrur 5-6 herë. Ata kanë kërkuar thirrjen me forcë në Shqipëri. Ka një numër të shumtë thirrjes ndaj Bashës para se të vijmë tek e djeshmja. Drejtësia vepron me letërporosi. I porositi kolegët e vet në shtetin tjetër dhe i thotë për llogarinë time ndiqni këtë. Pse nuk vepruan me letërporosi? Pse u detyruan të vijnë vetë. Pas shumë thirrjesh ata kanë kërkuar edhe thirrjen me forcë. Dhe dje erdhën edhe vetë?, u shpreh Ristani./A.E-CNA.al





Lajmet e fundit nga