E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Berisha nuk ndalet/ Pas Rrogozhinës, zbulohet lëvizja radhës e liderit historik

11 Shkurt 2022, 15:53, Politikë CNA

Nënkryetarja e PD, Shkodër, Irena Shestani, u ka bërë thirrje demokratëve të bashkohen nesër në takimin që pritet të mbahet në orën 15.00 në sheshin e Bashkisë.

Takimi zhvillohet me praninë e liderit historik të Partisë Demokratike Sali Berisha dhe kandidatit të koalicionit opozitar “Shtëpia e Lirisë” për Bashkin e Shkodrës Bardh Spahia.

Ndërsa paradite, në orën 10:30 Berisha do të jetë në Rrogozhinë për prezantimin e kandidatit Hekuran Xhani.

“Shkodra dhe gjithë Shqipëria, po përjetojnë prej më shumë se 8 vitesh, një situatë shumë të vështirë ekonomike.

Varfëria thellohet përditë, papunësia është në nivele alarmante dhe cdo ditë jemi dëshmitare të ikjeve masive nga vendlindja për një jetë më të mirë e të sigurtë

Shkodra dhe shkodranët, e kanë identifikuar shkaktarin e kësaj gjendje që precipiton cdo ditë e më shumë.

Ai është Edvin Rama, keqqeverisja e tij dhe regjimi që po përpiqet të instalojë edhe në Shkodër.

Të gjithë jemi dëshmitare të anashkalimit, nëpërkëmbjes deri në persekutim politik që keqqeverisja Rama i ka bërë Bashkisë Shkodër dhe qytetarëve të saj.

Persekucionin politik të regjimit po e vuajnë të gjithë shkodranët pa përjashtim, të majtë e të djathtë.

Eshtë koha që të reagojmë, te gjithë bashkë!

Të ngrejmë zërin tonë, të kërkojmë të drejtat tona të mohuara nga ky regjim.

Partia Demokratike, ju fton nesër, ditën e shtunë, 12 shkurt 2022, ora 15.00 në sheshin e Bashkisë Shkodër në një takim të hapur.

Takimi zhvillohet me praninë e liderit historik të Partisë Demokratike Prof. Dr. Sali Berisha dhe kandidatit të koalicionit opozitar “Shtëpia e Lirisë” për Bashkin e Shkodrës z. Bardh Spahia.

Ftojmë të gjithë shkodranët të jenë pjesë e këtij takimi dhe ndryshimit që po vjen.

Është koha të reagojmë fort, të gjithë bashkë!

Për Shkodrën, të sotmen e të nesërmen e fëmijëve tanë!”, shkruan Shestani ne reagimin e saj./E.T-CNA.al