E fundit!

11:40 Aktualitet

Fluksi i sezonit turistik/ Hita njofton masat shtesë në Aeroportin e Rinasit

Drejtori i Përgjithshëm i Policisë së Shtetit, Skënder Hit...

“Banorët e “5 Majit”, viktima të korrupsionit narkoqeveritar"/ Berisha “kryqëzon” Ramën dhe Veliajn

4 Shkurt 2022, 10:25, Politikë CNA

Ish-kryeministri dhe lideri historik i demokratëve, Sali Berisha ka reaguar sërish në lidhje me protestën e banorëve të ?5 majit?, në Tiranë.

Në një postim në rrjetet sociale, Berisha ka publikuar deklaratën e tij në mbrojtje të banorëve, ndërsa bashkëngjitur shkruan ?Deklaratë për mediat në mbrojtje të të drejtave të banorëve të ?5 Majit?, viktima të vjedhjes dhe korrupsionit narkoqeveritar!.

Berisha akuzon kryeministrin Edi Rama dhe kryetarin e Bashkisë Erion Veliaj, për të cilët thotë se qëllimi i tyre është vjedhja.

Përpara gazetarëve, Berisha foli për një aferë skandaloze.

?Drama që po zhvillohet sot në Tiranë, me banorët ndaj të cilëve qeveria sillet si narkopushtuese, ka në bazë vjedhjen dhe mashtrimin. Dokumenti që u afrohet banorëve është mashtrim, ai nuk ofron marrëveshje apo kontratë.

Është thjesht akt-deklarimi para noterit, ndërkohë që një aktmarrëveshje kërkon firmën dhe noterizim. Kërkon firmën e titullarit Lal Plehut, zëvendësit ose personit të autorizuar me prokurë nga titullarët. E kam këtu në çantë atë pseudo-marrëveshje që iu serviret banorëve vetëm për t?i mashtruar.

Pseudomarrëveshja që u servilet banorëve ka për qëllim vetëm mashtrimin e tyre. Një territor u jepet disa kompanive për t?i zhvilluar. Këtu protestohet sepse këtu është dora e zezë e vjedhjes së qeverisë. Këtu nuk lejohet që atë që duhet t?u jepet banorëve, në përqindje të madhe e përvetëson qeveria dhe bashkia dhe zhvilluesve nuk u mbetet fitimi i nevojshëm.

Megjithëse kanë rritur katet nga 7 në 35, kjo sërish nuk i lejon qeveritarët të bëjnë marrëveshje me banorët, por i mashtron ata duke u kërkuar një vetëdeklarim të noterizuar. Pra, kjo që po ndodh është një akt i mirëfilltë çnjerëzor, një dhunim flagrant i lirive dhe të drejtave. Mashtrimi i tyre dhe një megavjedhje me kulla 30-katëshe që ndërtohen në trojet e tyre.

Në Shqipëri dhe në mbarë botën, ekziston ligji për posedimin e pronës. Pas një afati të caktuar, ai gëzon të gjithë të drejtat e pronarit.

Unë u bëj thirrje qytetarëve të Tiranës që të solidarizohen me protestuesit, pasi ajo që u ndodh atyre, do u ndodhë të gjithëve shtëpi për shtëpi,? tha Berisha.