web counter
LEXO PA REKLAMA!

SHKARKO APP

App Store
Google Play

Rekord infektimesh në Kosovë/ Regjistrohen mbi 2.500 raste të reja me koronavirus

2 Shkurt 2022, 14:57, Kosova & Bota CNA

Ministria e Shëndetësisë në Kosovë ka njoftuar se të mërkurën, më 2 shkurt, janë regjistruar gjashtë viktima dhe 2,590 raste të reja me koronavirus.

Rastet pozitive kanë dalë pas testimit të 12,259 mostrave.

Shkalla e pozitivitetit nga mostrat e marra është 21.12 për qind.

Autoritetet shëndetësore kanë njoftuar edhe se 2.952 persona janë shëruar derisa 33,538 persona janë ende aktivë në koronavirus.

Kosova ka nisur fushatën e vaksinimit kundër koronavirusit në mars të vitit të kaluar.

Prej atëherë janë dhënë mbi 1.7 milion doza të vaksinës.

Deri më tani, me dy doza të vaksinës janë imunizuar 806,268 persona apo 44 për qind e popullsisë.

Doza përforcuese e vaksinës mund të merret pas tre muajve të marrjes së dozës së dytë.

Qeveria e Kosovës ka miratuar më 21 janar, masa të reja për luftim të pandemisë.

Sipas vendimit të Qeverisë, qytetarët që hyjnë në Kosovë duhet të jenë të vaksinuar plotësisht dhe të kenë edhe dozën përforcuese.

Ata që nuk kanë dozën përforcuese, duhet të kenë test negativ të llojit PCR, të vlefshëm për 48 orë.

Kufizimi i qarkullimit do të aplikohet nga ora 22:00 deri në orën 05:00.

Bizneset e gastronomisë mund të zhvillojnë aktivitetin e tyre nga ora 05:00 deri më 21:00./rel





Lajmet e fundit nga