web counter
LEXO PA REKLAMA!

SHKARKO APP

E fundit!

x

Kush e ka radhën?/ Escobar bën paralajmërimin e fortë: Do të vazhdojmë me “non grata”-t

1 Shkurt 2022, 11:51, Kosova & Bota CNA

?Korrupsioni është problemi më i madh në Ballkanin Perëndimor?, theksoi i dërguari i posaçëm i SHBA-së për Ballkanin Perëndimor Gabriel Escobar në një intervistë për gazetën boshnjake ?Dnevni Avaz?.

Ai tha se Shtetet e Bashkuara do të vazhdojnë të përdorin të gjitha mjetet në dispozicion, përfshirë sanksionet, për të ndëshkuar aktorët destabilizues.

?Korrupsioni është një kancer që gërryen besimin e qytetarëve në demokraci, zvogëlon instinktin për inovacion dhe kreativitet dhe shpenzon në buxhete tashmë të pakta, gjë që shkurton investimet. Talenti i brezave të tërë po shpërdorohet?, tha Escobar për ?Dnevni Avaz?.

Sipas tij, kjo i frikëson investitorët, duke shtuar se Shtetet e Bashkuara janë të përkushtuara për të promovuar llogaridhënien si dhe për të mbrojtur ata që janë të përfshirë në korrupsion në Ballkanin Perëndimor dhe në mbarë botën.

?Shtetet e Bashkuara do të vazhdojnë të përdorin të gjitha mjetet e disponueshme, përfshirë sanksionet, për të ndëshkuar aktorët keqdashës dhe destabilizues, si dhe organizatat dhe kompanitë që i mbështesin ato?, tha Escobar.

Sipas tij, të rinjtë po largohen nga Ballkani Perëndimor për të gjetur punë dhe mundësi në vende të tjera, shkruan agjencia e lajmeve Ina.

?Ata e bëjnë këtë sepse nuk ka mundësi të mjaftueshme për ta në vendet e tyre. Është koha që këtyre të rinjve t?u jepet mundësia të përdorin energjinë dhe imagjinatën e tyre?, theksoi zyrtari i lartë amerikan.





Lajmet e fundit nga