web counter
LEXO PA REKLAMA!

SHKARKO APP

App Store
Google Play

“Meta nuk shkarkohet”/ Dervishaj: Është shkelur ligji, kërkesa e Kuvendit të vjetër duhet të shqyrtohej në shtator

1 Shkurt 2022, 18:41, Politikë CNA

Përfaqësuesi ligjor i Presidencës Bledar Dervishaj është shprehur se Ilir Meta nuk do të shkarkohet. Në një reagim për media pas daljes nga seanca, Dervishaj u shpreh se ishin shkelur ligjet duke u nisur që nga përfundimi i afatit për trajtimin e vendimit të marrë nga legjislatura e kaluar e Kuvendit. Sipas Dervishaj, seanca duhet të ishte zhvilluar brenda muajit shtator sepse në rast të kundërt edhe mandati i legjislaturës së kaluar nuk ishte më i vlefshëm.

?Nga ajo që unë konstatova, rezultoi që përfaqëssuesit e Kuvendit në përgjigjien e dhënë kanë dalë përtej atyre kompetencave që u parashtron vetë kuvendi. Kërkesa e Kuvendit të vjetër duhet të shqyrtohej brenda afatit 19 shtator sepse lidhet jo vetëm me skadimin e afatit por edhe sepse kuvendit të vjetër i përfundoi mandatin.

Nuk ka shqetësime presidenti i Republikës për asgjë. Gjykata vendosi të mos e marrë parasysh kërkesën tonë dhe ne kemi vendosur ta ndjekim deri në fund këtë gjykim. Për shkak se në procese të tjera të rëndësishme të vendit u konstatuan shkelje të ligjit, kjo është një shkak mëse i ligjshëm për të vënë në dyshim anshmërinë. Nuk do ketë shkarkim sepse nuk ka çështje për shkarkim?, tha ai./E.K-CNA.al





Lajmet e fundit nga