E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Video-Patronazhisti i Ramës në krah të Bashës/ Marsid Gupi: Unë kam qenë hapur me PS

1 Shkurt 2022, 09:25, Politikë CNA

Para disa ditësh, denoncuam me fakte përfshirjen e zyrtarëve të PS në mbledhjet pa njerëz të Bashës.

Marsid Gupi, patronazhist në zgjedhjet e kaluara, disa ditë më parë, doli në krah të Bashës, ku dhe drejtoi mbledhjen e këtij të fundit me FRPD.

Por, dje, Marsid Gupi, në një intervistë, dhënë për ABC, rreket të mohojë që ka qenë patronazhist edhe pse nuk shpjegon, se si emri i figuron në faqen patronazhisti.com?

Nga stresi i madh që shkakton gënjeshtra, sidomos kur thuhet publikisht, bën një lapsus frojdian dhe rrëfen se në zgjedhjet e 25 prillit, ka përkrahur hapur PS.

Gazetarja shqyen sytë nga habia dhe e pyet sërish, duke i kujtuar, se mos i ka folur e pavetëdijshmja, e cila sërish sipas Frojdit, thotë gjithmonë të vërtetën.

Aq i tensionuar shfaqet Marsid Gupi në këtë intervistë, saqë të merren mendtë nga lëvizja e pandërprerë në ajër e duarve, që tregojnë pasiguri dhe paaftësi për t?u shprehur, përveç faktit që nuk kuptohet asgjë nga ato që thotë, sepse i radhit fjalë pa logjikë dhe ndërton fjali të një niveli totalisht bazik. Madje perfomanca e tij qesharake është kthyer meme në rrjet.

Por në intervistë, Marsid Gupi, nuk na shpjegon se ç?ne si ?demokrat? i thekur, shpërndan në FB e tij, fjalime të Ramës e Veliajt, dhe pse figuron si kandidat për deputet i G99-s okulte dhe neomarksiste në zgjedhjet e vitit 2013? Kur i lindën në zemër bindjet konservatore? Pse emri i tij na del kudo, sjellje kjo tipike oportuniste?

A post shared by #jepiplako (@altin_tufa)

Meqë Marsid Gupi nuk e mban mend periudhën kur ka qenë hapur me PS, a mund të na tregojë se ku është në foton e mëposhtme, dhe çfarë shkruan, kur rri me përulësi dhe frikë, përpara Ramës, Spiropalit dhe Ervin Bushatit, pikërisht pak para zgjedhjeve të 25 prillit, siç na dëshmoi në të pavetëdijshmen e tij?/CNA.al

Patronazhistët e Ramës dhe G99-at e Veliajt në mbështetje të Bashës së dëshpëruar

Dështimi i takimeve të Bashës/ Zëvendëson demokratët me fëmijë e patronazhistë