web counter
LEXO PA REKLAMA!

SHKARKO APP

App Store
Google Play

Basha “kërcënon” Metën?/ “Bravat e qelive iu vijnë shpesh në mendje”

29 Janar 2022, 17:10, Politikë CNA

Kryetari i shkarkuar i PD Lulzim Basha i është përgjigjur akuzave të presidentit Ilir Meta, i cili ditën e djeshme në një dalje për mediat bëri një paralajmërim të fortë për ?koalicionin Bravo-Brava?, duke shigjetuar kështu kryeministrin Rama dhe Bashën.

Por ky i fundit, në një intervistë për emisionin ?Kjo javë? deklaroi se ?Trekëndëshi i Bermudës? nuk ka hallin e qytetarëve, por vetëm interesat e tyre personale.

Madje, Basha u shpreh më tej se ?fiksimi me bravat është diçka për t?u analizuar nga specialistët e fushës, ndoshta bravat e qelive iu vijnë shpesh në mendje?.

?Nuk kam ndërmend të harxhojë shumë kohë për qëndrimet mbi qëndrimet, as t?iu shkoj mbrapa akuzave. Siç e kam thënë ?Trekëndëshi i Bermudës? e bashkon një hall i madh. Halli që ata nuk kanë, e kuptojnë fare mirë, që nuk kanë mbështetje popullore. Përkundrazi, janë kthyer në figura të urryera nga qytetarët, sepse kanë 30 vite që e mbajnë vendin peng për interesat e tyre. Dhe në një vend normal, asnjëri prej tyre nuk do të ishte më në politikë. Secili prej tyre ka bërë pjesën e vet që të vazhdojë të mbetet në politikë dhe ajo që ka bërë, paguhet sot si faturë në mirëqenien e qytetarëve, në shëndetin e qytetarëve, në të ardhmen dhe shpresën e vendit.

Çdo gjë që ndodh në ekonomi, gjithçka që ndodh në shëndetësi dhe në arsim, vjen si faturë e pushtetit korruptiv të Ramës dhe dy këmbëve të tjera që e mbajnë këtë pushtet në këmbë të ?Trekëndëshi i Bermudës?. Pra nga kjo pikëpamje, nuk është se i ndjek me interes të madh etiketimet. Sigurisht ky fiksimi me bravat është diçka për t?u analizuar nga specialistët e fushës, ndoshta bravat e qelive iu vijnë shpesh në mendje, por ky është nja hall që nuk ka të bëjë me mua, është halli i tyre, di të mbetet halli i tyre?, tha Basha./E.K-CNA.al





Lajmet e fundit nga