LEXO PA REKLAMA!

SHKARKO APP

Berisha: Si u përplasa me Erdogan dhe pse ika nga parlamenti

17 Janar 2022, 20:27, Politikë CNA
Berisha: Si u përplasa me Erdogan dhe pse ika nga parlamenti

Ish kryeministri Sali Berisha ka zbuluar asryen pse bojkotoi sot seancën parlamentare. I ftuar në emisionin Quo Vadis, Berisha tha se nuk e ka parë të arsyeshme të jetë i pranishëm në fjalën në parlament të presidentit turk Recep Tayyip Erdogan.

Berisha ka treguar se në kohën kur ishte në drejtim të qeverisë, ka patur një përplasje me Erdogan ku nuk ka pranuar të votojë në OKB rezoluta që ishin në kundrështim me qëndrimet që mbanin SHBA për çështjen e Palestinës.

?Mungova sot se gjykova se nuk duhet të isha e pranishëm në fjalën në parlament të presidentit të Turqisë Recep Tayyip Erdogan.

Unë jam njeri që respekton shumë Turiqnë dhe kombin turk. Jam përpjek të ndërtoj marrëdhëniet më të mira për këtë vend. Kam patur kontradita të hapura me presidentin Erdogan në vitet e fundit të drejtimit të qeverisë nga unë ku nuk kam pranuar të ndjek apo të votoj në OKB rezoluta që binin në kundërshtim me qëndrimet që mbanin SHBA dhe vendet e mëdha për çështjen e Palestinës. Shqipëria është një nga të pakëta vende që ka njohur dhe ka një ambasadë , përfaqësi të Palestinës, e vendosur gjatë diktaturës.

Po rezoluta me të cilën u ndava me Erdogan ishte një përpjekje për të përjashtuar rolin e SHBA në Lindjen e mesme.

Në këtë rast dy vite pasi isha prenoncuar, mu kërkua në mënyrë jo dhe aq diplomatike për të ndryshuar votën.  Më mori në telefon në një moment feste, në një kohë që divancia turke nuk kishte thënë për dy vite me radhë asnjë fjalë. Kisha marrë vesh që Erdogan ishte zemëruar dhe do bëjë de marzh tek unë dhe insitoi që unë të ndryshoja qëndrimin, i thashë ajo që mund të bëjë unë është të abstenoj, por nuk votoj kurrë për atë rezolutë dhe nga ky moment bëra të qartë se Shqipëria nuk mund të jetë një vend në sferën e influencës së Turqisë?, tha Berisha./ A.E-CNA.al

Lajmet e fundit nga