web counter
LEXO PA REKLAMA!

SHKARKO APP

App Store
Google Play

E fundit!

x

Basha kërkoi Haklajt/ Asnjë prej familjarëve s’ju përgjigj?!

17 Janar 2022, 14:14, Politikë CNA

Ndodhitë në protestën e 8 Janarit tashmë janë çështje hetimi.

Një prokuror dhe më shumë se tre officerë të policisë gjyqësore janë angazhuar prej asaj pasditeje në mbledhje provash, dëshmish por edhe deklaratash, me qëllim zbardhjen e një të vertete që lidhet me faktin se kush qëlloi mbi protestuesit dhe a kishte në godinën e selisë blu persona të armatosur.

Një nga gjërat e duhura që organi hetimor arriti të dokumentojë, pasi nuk u la për më shumë se 45 minuta në oborrin e selisë blu, ishte serveri qëndror i kamerave të sigurisë në selinë e Partisë Demokratike, një objekt i marrë me qera nga drejtuesit e këtij subjekti politik.

Edhe pse prokuroët kishin sinjale nga struktura të tjera policore për prezencë të personave me precedent penal në mbrojtje të Lulzim Bashës, procedimi hetimor nisi pikërisht me 8 Janar, pak orë para se të niste protesta e paralajmëruar e grupit të Rithemelimit të PD-së.

Por ajo që su pa e su dëgjua nga opinioni mediatik, politik, dhe zyrtar, ishin përçatjet e Bashës për të bërë bashkë në një vend dhe një ditë, kundërshtarët e deklaruar të ish kryeministrit Sali Berisha.

Persona që kanë qënë në takime informale me Bashën, kanë mësuar se ai ka komunikuar me pjestarë të familjes Haklaj, duke kërkuar prezencën e tyre më 8 Janar në selinë e PD-së. Gjithçka ende është e pabesueshme dhe me mjergull.

Por mësohet se thirrjes së tij nuk i janë përgjigjur trashigimtarët e një prej familjeve në hasmëri me ish kryetarin e demokratëve.

Mësohet se asnjë prej pjesëtarëve të familjes Haklaj nuk i është përgjigjur ftesës së Bashës, duke thënë se nuk duan të përfshihen. Këto të dhëna janë siguruar nga agjentët e policisë në terren dhe ngelen ende të pa verifikuara nga prokuroria./CNA.al





Lajmet e fundit nga