10 njerëzit më të pasur në botë që dyfishuan pasurinë e tyre gjatë pandemisë

17 Janar 2022, 17:53, Kosova & Bota CNA
10 njerëzit më të pasur në botë që dyfishuan

Oxfam, një organizatë bamirësie, e krijuar nga njerëzit që punojnë së bashku për t?iu dhënë fund padrejtësive dhe varfërisë, pas të dhënave të publikuara nga revista Forbes, ku tregoheshin se cilët ishin njerëzit më të pasur që shtuan pasurinë e tyre gjatë periudhës së pandemisë, ka përpiluar një raport ku thuhet se miliarderët kanë rritur pasurinë e tyre me 1.5 trilion.

Oxfam tha se pasuria e këtyre njerëzve është rritur nga 700 miliardë dollarë në 1.5 trilion dollarë, me një normë mesatare prej 1.3 miliardë dollarë në ditë, në një konferencë të publikuar përpara një mini-samiti virtual të liderëve botërorë që po mbahet nën kujdesin e Forumit Ekonomik Botëror.

Pasuria e miliarderëve u rrit më shumë gjatë pandemisë sesa në 14 vitet e mëparshme, kur ekonomia botërore po vuante recesionin më të keq që nga rrëzimi i Ëall Street në 1929.

Oxfam e quajti këtë pabarazi “dhunë ekonomike” dhe tha se pabarazia po kontribuon në vdekjen e 21,000 njerëzve çdo ditë për shkak të mungesës së aksesit në kujdesin shëndetësor, dhunës me bazë gjinore, urisë dhe ndryshimeve klimatike.

Raporti pason pas një studimi të dhjetorit të vitit 2021 nga ku u zbuloi se pjesa e pasurisë globale e njerëzve më të pasur në botë u rrit me një ritëm rekord gjatë pandemisë.

Organizata e bamirësisë tha se i bazoi llogaritjet e tyre të pasurisë në burimet më të përditësuara dhe gjithëpërfshirëse të të dhënave në dispozicion, dhe përdori listën e miliarderëve të vitit 2021 të përpiluar nga revista e biznesit amerikan Forbes.

Forbes renditi 10 njerëzit më të pasur në botë si: shefi i Tesla dhe SpaceX, Elon Musk , Jeff Bezos i Amazon , themeluesit e Google , Larry Page dhe Sergey Brin, Mark Zuckerberg i Facebook , ish-drejtorët ekzekutivë të Microsoft, Bill Gates dhe Steve Ballmer, ish-CEO i Oracle, Larry Ellison, SHBA. investitori Warren Buffet dhe kreu i grupit francez të luksit LVMH, Bernard Arnault./A.E-CNA.al

Marre nga France 24.com

Lajmet e fundit nga