LEXO PA REKLAMA!

SHKARKO APP

App Store
Google Play

“Basha ka thyer çdo rekord”/ Manjani: Po sillet si kamikaz

11 Janar 2022, 10:47, Politikë CNA
“Basha ka thyer çdo rekord”/ Manjani: Po sillet si kamikaz

Ish-ministri i Drejtësisë, Ylli Manjani ka reaguar në lidhje me zhvillimet politike në PD.

Në një postim në rrjetet sociale, Manjani shkruan se Lulzim Basha ka thyer çdo rekord negativ.

Sipas Manjanit, Basha po sillet si kamikaz, ndërsa shton se kurrë më nuk do të marrë votë prej tij.

?Që ti vë kapak arsyetimit mbi budallain që hedh çdo ditë gurë në lumë nga bunkeri ku është mbyllur.

Lulzim Basha ka bërë atë që askush se kishte bërë deri më sot: ka shitur vullnetin e atyre që e votuan për interes krejt privat!!!

Askush nuk e kishte bërë këtë deri më sot. Të gjithë kanë bërë pazare e matrapazllëqe, por asnjë nuk la rrugëve mbështetësit dhe votuesit e vet.

Të gjithë gënjejnë, madje njihnim Erion Velinë si kulmin e mashtrimit. Lulzimi ja kalon me disa herë gënjeshtrës Veliaj.

Ka thyer çdo rekord negativ në politikë. Me këtë garë idiote rekordesh Lulzim Basha, jo vetëm la në opozitë shumicën elektorale në vend që prej vitit 2017, por legalizoi qeverinë moniste të pakicës.

Me lëvizjet e tij të korruptuara ai u bë barrierë e shumicës për të mos qeverisur dhe madje as për të bërë opozitë.

Doni dëm më të madhe sesa kaq?!

Tani që ka hyrë në bunker dhe përjashton partinë nga partia, thjesht i ka hyp n?shpinë budallëkut. Një budallëku që është i barazvlefshëm me kamikazin për nga pasoja që sjell.

Doni pasojë më të madhe sesa të lësh vendin pa opozitë?!

Në këtë e as në atë jetë ky njeri nuk merr më votën time. Tashmë as vemendjen time sepse sa herë e përmend më duket sikur i bëj nder.

Për mua ai është një i ngordhur në bunker.

Ndërkohë, do mbështes sa të mundem krijimin e një opozite reale për sot edhe një alternative politike për nesër.?-shkruan Manjani./CNA.al

Lajmet e fundit nga