Basha “ankohet” tek ndërkombëtarët/ Harton raport për dhunën që shkaktoi vetë

11 Janar 2022, 15:08, Politikë CNA

Lulzim Basha ka nisur të ?ankohet? tek faktori ndërkombëtar për protestën e datës 8 janar, ku mbetën të lënduar disa demokratë.

Në një raport prej 8 faqesh në gjuhë të huaj drejtuar ambasadave dhe KE, Basha rendit ngjarjet orë pas ore.

Në detajet që jep, Basha nuk përmend në asnjë rresht dhunën që u ushtrua nga mercenaët e tij drejt demokratëve, me gaz lotsjellës apo edhe me gurë e dru.

Në raport, Basha harton atë që ai e quan dhunë, por në të vërtetë incidentet u shkaktuan nga vetë ai, duke nisur nga provokimi i Roland Bejkos, i cili shkoi me vonesë në seli sikur të ishte ditë normale e do bëhej mbledhje, e deri tek thyerja e xhamave të brendshëm, për të cilët fajësojë demokratët.

PJESË NGA RAPORTI

Një dhunë e paprecedentë ka ndodhur të shtunën në tubimin e thirrur nga deputeti Sali Berisha kundër PD-së, me synimin për të thyer brenda selisë së PD-së dhe për largimin me forcë të kryetarit Lulzim Basha. Protesta u thirr kundër kryetarit të Partisë Demokratike, Lulzim Basha, pas vendimeve të tij për përjashtimin e ish-kryetarit Sali Berisha, i shpallur non grata nga SHBA për korrupsion dhe shkelje të demokracisë.

Ora 11.00 ? Vetëm një orë para nisjes zyrtare të protestës së thirrur nga Berisha, disa prej mbështetësve të tij kanë sulmuar dhe sulmuar fizikisht dhe verbalisht sekretarin e PD-së për Zhvillimin Vendor z. Roland Bejko, në prani të të mediave dhe kamerave.

Gjithashtu nënkryetari i PD-së deputeti, Enkelejd Alibeaj ishte vënë nën mbrojtjen e Gardës Kombëtare pasi u sulmua dhe u kërcënua me jetë nga persona të mbledhur në protestën e thirrur nga Berisha.

Ai ka reaguar në një postim në Tëitter duke dënuar rolin e Berishës në këtë tubim të dhunshëm duke theksuar se ai është të gatshëm për akte dhune. Ai rithekson se ?Veprimi i Berishës po i vë PD-në përballë njëri-tjetrit, ndërsa ai tërhiqet përpara, gjë që tregon fytyrën e vërtetë të Berishës. Ai është i gatshëm të dëmtojë këdo që nuk e bën këtë dhe nuk mendon si ai?.

Gazetarët e medias i fotografuan këto akte që në momentin kur njerëzit u vërsulën me forcë në hyrjen kryesore të selisë së PD-së duke thyer dhe shkatërruar derën dhe xhamat./CNA.al