E mbylli me shkodranët, ish-sulmuesi i Vllaznisë i bashkohet skuadrës tjetër të Superiores

5 Janar 2022, 11:02, Sport CNA
E mbylli me shkodranët, ish-sulmuesi i Vllaznisë i bashkohet

Kastrioti ka qëndruar vetëm tri ditë pushim dhe u është rikthyer përgatitjeve që prej datës 3 janar. Lëvizjet në skuadër nuk kanë qenë të shumta, pasi deri më tani janë bërë vetëm disa lëvizje.

Dy janë lojtarët e larguar nga skuadra dhe ata janë mbrojtësit Damir Grgiç dhe Endri Reçi, të dy të afruar në skuadër në verën e shkuar të cilët edhe minutat nuk i kanë pasur të shumta.

Merkatoja në hyrje ka qenë pak më aktive pasi janë afruar deri më tani tre lojtarë. Pak ditë më parë, gazeta pasqyroi afrimin e dy vëllezërve Selmani te krutanët, ndërsa në stërvitjen e parë të 2022-shit, listës së afrimeve i është shtuar edhe një tjetër futbollist.

Bëhet fjalë për sulmuesin brazilian Kaina Nunjes, i cili pjesën e parë të sezonit ishte pjesë e Vllaznisë. Nunjes nuk ka pasur shumë hapësira këtë sezon te shkodranët, por në ndeshjen e vetme që është aktivizuar, ka arritur që të shënojë.

Nunjes më parë ka luajtur edhe për Besën në Kategorinë e Parë, ku në 15 ndeshje ka shënuar 7 gola.

AJAZI ? Spartak Ajazi u dëmtua në ndeshjen e fundit të pjesës së parë të sezonit në Laç dhe për dy javë qëndroi pushim. Dje sulmuesi i është rikthyer stërvitjes, ndonëse aktualisht po kryen vetëm vrapime.

Lajmet e fundit nga