Garda në mbrojtje të Bashës?/ Manjani: Përse ju duhet Luli i shkarkuar, në seli?

4 Janar 2022, 10:08, Politikë CNA

Ylli Manjani ka reaguar ashpër ndaj përdorimit të Gardës për ta vënë atë në mbrojtje të Lulzim Bashës.

Me anë të një postimi në rrjete sociale, Manjani shkruan se Garda i shërben Republikës, jo politikës.

Sipas tij, punonjësit e Gardës që mbrojnë trupin e Lulzim Bashës, nuk janë nën urdhrin e ligjit, por të pushtetit, pasi pushteti ka vendosur që të tejkalojë fuqinë e ligjit për Gardën dhe të marrë nën mbrojtje trupin e Lulit.

?Arsyeja formale është se Luli, në çastin kur u mor në mbrojtje, ishte kryetar i PD.

Nëse lexoni ligjin për Gardën e Republikës, veçanërisht nenet 3, 4, 7, 11 dhe 12 në harmoni me njëri tjetrin, do ta kuptoni qartësisht se:

Garda e Republikës nuk merr në mbrojtje as seli partish e as kryetarët e tyre!

Garda mbron personalitete shtetërore, dhe jo çdo njeri.

Argumenti që po mbrojmë kryetarin e opozitës kërcet shumë llogjikisht dhe ligjërisht.

Llogjika të shtyn të pyesësh se nga kush mbrohet kryetari i opozitës?!!

Pastaj opozita nuk ka vetëm një parti, dmth kryetar. Pse jo të tjerët por vetëm Luli?!?, shkruan Manjani.

Ai vijon më tej, duke u ndalur tek Ligji mbi Gardën dhe se sip o përdoret patupërpësisht ajo sot.

?Ligji na tregon se kush janë personalitetet shtetërore që ruhen nga Garda. Neni 3 është i prerë:?? Garda mbron vetëm personalitetet shtetërore??.

Shiheni se në çfarë pozite të vështirë e vendosin Gardën e Republikës!

Po tani që Lulin e kanë larguar nga kryetarllëku anëtarët e partisë (44 000 anëtarë me votim të drejtpërdrejtë) kë mbron Garda?!

Apo e ndan Garda se kush është kryetari i PD?!

Përveç se në pozicion jollogjik e joligjor, Gardën e kanë vendosur edhe në një mision jodemokratik?, shkruan ndër të tjera Manjani.

Më tej Manjani shkruan edhe për arsyen se përse Lulzim Basha i duhet pushtetit, pra pse po e mbron pushteti, një kryetar që është shkakuar nga demokratët.

?Kulmi! E përse?! Ju duhet Luli aty në seli?! Nejse, i hedhim mënjanë të gjitha këto argumente. Si do tja ruajë trupin Lulit Garda?! Ligjërisht ka vetëm një mënyrë:

të mos e lejojë të futet në selinë e PD. Sepse për Gardën ajo është godinë me rrisk të lartë. Garda e di që nuk i dilet kurrë turmës para.

Se Garda nuk mbron dot trupin e askujt që niset për të zaptuar një godinë.

Është njësoj sikur Garda të mbrojë hajdutin që hyn të vjedhë shtëpinë dikujt.

Kurse pushteti duhet të zgjedhë: ose ti lërë Gardën Lulit e të mos e lejojë këtë të fundit të hyjë në seli, ose ti heqë mbrojtjen atij dhe të lejojë Partinë Demokratike të zhvillojë misionin e saj politik.

Alternativat e tjera janë të rrezikshme

Në çdo rast unë jam që Garda të kthehet në misionin e saj ligjor.

Garda është Republikës, jo e politikës?, përfundon reagimin Manjani./E.S-CNA.al