web counter
LEXO PA REKLAMA!

SHKARKO APP

App Store
Google Play

Hetim i pagërrjedhjes/ Eksperti i IT tregon si mund të zbulohen autorët

23 Dhjetor 2021, 17:58, Aktualitet CNA

Oficerë të policisë gjyqësore u paraqitën në mesditë në zyrat e Agjencisë Kombëtare të Shoqërisë së Informacionit.

Prokuroria e Tiranës ka kërkuar edhe asistencën e specialistëve të sektorit kibernetik dhe njësisë C në Policinë e Shtetit, për të bërë ekzaminimin e serverave në Drejtorinë e Tatimeve, ISKSH por dhe institucione të tjera që përpunojnë të dhëna personale të qytetarëve.

Këqyrja do bëhet me qëllim verifikimin nëse nga sistemi i serverave qendrore, ka pasur kopjim dhe eksportim të të dhënave në hard-diske apo USB të jashtme.

Ndërkohë ekspertët IT thonë për Euronews Albania se dalja e databazës së pagave, por edhe bizneseve ka cenuar sigurinë kombëtare.

Eksperti Edmond Liçaj sugjeron certifikimin e zyrtarëve që punojnë në këto institucione dhe rishikimin e aksesit në këto të dhëna.

?Sipas mendimit tim që mund të jetë edhe indicie për hetimin, ka disa mënyra për të identifikuar si dokument se nga ka dalë. P.sh renditja e të dhënave që mund të na çojë tek institucioni. Të dhëna të tilla janë vetëm për persona të autorizuar me certifikatë sigurie?, shprehet ai.

Eksperti i IT thotë se ?duhet rishikuar mënyra e aksesit në këto të dhëna, të ketë 3 nivele për të lënë gjurmë që të jetë më i qëndrueshëm dhe i fortë?.

Ai shton se ?shpërndarja e këtij dokumenti duhet të ndalet dhe personat që kanë qasje në këto sisteme apo të dhëna duhet të jenë nën mbikëqyrje?.

?Problemi nuk janë pagat por tek numri identifikimit personal. Tani bëhet fjalë për gjithë republikën, ky informacion është shpërndarë edhe në vendet fqinje apo tek shtetasit e huaj që nuk e duan të mirën e Shqipërisë?, përfundon eksperti./euronews





Lajmet e fundit nga