web counter
LEXO PA REKLAMA!

SHKARKO APP

App Store
Google Play

E fundit!

x

Pesë marrëveshje, mes tre vendeve/ Rama: Ballkani i Hapur do të shpejtojë integrimin në BE

21 Dhjetor 2021, 08:47, Politikë CNA

Ka nisur takimi mes treshes Rama-Vuçic-Zaev në kuadër të projektit Open Balkan, kur pritet të nënshkruhen 5 marrëveshje.

Kryeministri Edi Rama, pas pritjes së homologëve të tij është ndalur tek marrëveshjet për të folur me detaje.

?Ballkani i hapur është një aspiratë, dhe çdo takim është një hap para.  Ballkani i Hapur do të shpejtojë edhe integrimin në BE.

Ekipet tona kanë bërë një punë të shkëlqyer per lehetësimin e lëvizjen se njerëzve dhe mallrave me Maqedoninë e Veriut. Tani po bëjmë një hap më shumë në këtë marëveshje 3-palëshe përfshirë edhe Serbinë.

Kështu do e bëjmë rajonin më tërheqës për investuesit e huaj dhe me më shumë mundësi.

Ka një gamë të gjerë shërbimesh për të cilat në mund të bashkëpunojmë dhe të zgjerojmë kapacitetet si për shembull turizmi.

Të përpiqemi të afrojmë investues të huaj, duke ju dhënë një territor më tërheqës duke krijuar një treg të përbashkët?, –është shprehur ndër të tjera Rama.

Marrëveshja e parë është ajo për kushtet për akses të lirë në tregun e punës në Ballkanin Perëndimor.

Marrëveshja e dytë është për ndërlidhjen e skemave të identifikimit elektronik të qytetarëve të Ballkanit Perëndimor.

Marrëveshja e tretë për bashkëpunim në fushën e veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.

Marrëveshja e katërt mes Qeverisë së Republikës së Serbisë dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar ? siguri dhe siguri (AEOS).

Marrëveshja e pestë është ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS)./E.S-CNA.al





Lajmet e fundit nga