LEXO PA REKLAMA!

SHKARKO APP

Sa ka kushtuar Kuvendi i 11 Dhjetorit?/ Së shpejti transparencë me faturat

13 Dhjetor 2021, 14:21, Politikë CNA
Sa ka kushtuar Kuvendi i 11 Dhjetorit?/ Së shpejti transparencë me

Në konferencën për gazetarët pas mbledhjes që zhvilloi me anëtarët e Komisionit të Rithemelimit të PD në selinë blu,ish kryeministri Sali Berisha ka folur edhe për shpenzimet e Kuvendit të 11 Dhjetorit.

Ai ka thënë se së shpejti gjithçka do të bëhet trasnparente me fatura.

?Transparente do të bëhet çdo qindarkë shpenzimet e Kuvendit. Ju garantoj se janë minimumi 50 herë më të ulëta sesa shpenzimet që paraqet Edi Rama me pengun e tij Lulzim Basha. Por çdo gjë do të bëhet transparente me fatura dhe gjithçka tjetër. Të gjitha kutitë e votimit cilido mund të shkojë ti numërojë. Në vlerësimin tim nuk ka pasur kurrë një kuvend kaq korrekt se ky?, ka thënë Berisha.

I pyetur edhe për faktin përse nuk u lejuan mediat në Kuvendin e 11 Dhjetorit, Berisha tha se një zgjedhje e tillë u bë pasi kishte vështirësi në lëvizje. Ish-kryeministri garantoi se shpenzimet do të bëhen publike shumë shpejt.

?Siç e vutë re ju kuvendi u zhvillua në kushtet më të veçanta,. Dhe megjithë dëshirën time që ju të ishit aty ishte e pamundur lëvizja pasi votimi ka pasur vështirësi të mëdha për të lëvizur. Drejtuesit mediatikë e konsideruan dhënien si praktikë të ndjekur, dhënien e sinjalit nga një regji. Për sa u përket delegatëve ju e patë që secili ishte me barkod. Secili nga ju mund të shkojë ta marrë atë dokument dixhital?, është shprehur Berisha./E.S-CNA.al

Lajmet e fundit nga