6 vrasjet që tronditën vendin në një muaj/ Nga horrori me 8 vjeçarin tek atentatet mafioze

12 Dhjetor 2021, 10:42, Kronika CNA

Një ekzekutim në javë. Nga fillimi i muajit nëntor dhe deri më sot, të paktën njëherë në javë është regjistruar një vrasje në vendi tonë.

Ngjarjet e rënda kriminale në Nëntor, kulmuan me horrorin e Fierit, ku u rrëmbye dhe u vra një tetë vjeçar.

Rikthimi i atentateve mafioze, ka vënë në dyshim sigurinë në vend, pavarësisht lëvizjeve të Drejtorit të Përgjithshëm të Policisë Gledis Nano.

Tek të gjitha ngjarjet e ndodhura, ka dorë drejtësia, si policia, prokuroria dhe gjykatat, me vendimet apo me mosvendimet, me veprimet apo me mos veprimet që kanë ndërmarrë.

Risjellim në vëmendjen atentatet dhe ekzekutimet, të cilat disa janë ende pa autor.

Xhelal Reçi, 60 vjeç, është ekzekutuar pranë bizneseve të tij në qytetin e Laçit.

Ditën e vrasjes u raportua se autorët kanë qenë duke në ndjekje të Reçit dhe kanë shfrytëzuan momentin kur ai ka zbritur nga makina për ta sulmuar me armë zjarri pistoletë.

Xhelal Reçi është qëlluar me dy plumba, njëri prej të cilit e ka kapur në gjoks.

Plaga që kishte marrë ishte vdekjeprurëse.

Në këtë ngjarje u përsërit skema e njohur e djegies së makinës e cila dyshohet se është përdorur nga autorët.

Trupi i pajetë i biznesmenit Ruzhdi Hoxha është gjetur në një greminë në Malin e Dajtit.

Trupi i 43 vjeçarit u gjet i mbuluar me zhavorr mes maleve të fshatit Qafë Mollë, në zonën e Dajtit.

Biznesmeni u gjet i vrarë në këtë zonë, dy javë pasi rezultonte i zhdukur.

Policia njoftoi më vonë se ka vënë në pranga si autor të dyshuar të ngjarjes Fredi Rrushin, një person i shpallur në kërkim ndërkombëtar për trafik droge si dhe vëllain e tij.

Kanë qenë një kamera sigurie në një nga bizneset e vetme në zonën ku u rrëmbye Hoxha, që kanë kapur makinën e Fredi Rrushit për herë të fundit, duke drejtuar grupin hetimor drejt Qafë Mollës, aty ku u kryen disa ditë kërkime.

Breshëri kallashnikovi janë derdhur mbi dy të rinj, mbrëmjen e 13 nëntorit, në zonën e Astirit, një zonë e mjaft e populluar kjo.

Erigers Mihasi 32 vjeç dhe Armand Dumani, 26 vjeç, janë vrarë me armë zjarri, në një atentat mafioz.

Në vendin e quajtur ?2 Rrathët?, është qëlluar në drejtim të automjetit tip ?Audi A8?, me të cilin lëviznin dy të rinjtë.

Pas krimit, policia ka gjetur një makinë tip “Toyota” të djegur në Thumanë, e dyshuar se i përket autorëve të ngjarjes. Mjeti ishte me targa të Tiranës dhe sipas policisë dyshohet se ishte vjedhur muaj më parë.

Mbrëmjen e 16 nëntorit mbarë vendi u trondit, nga një krim makabër që kishte ndodhur në fshatin Gracalli te Fierit.

8 vjeçari Mateo Vasia ishte rrëmbyer, vraë dhe më pas ishte groposur.

Autor i këtij krimi makabër, është Klodian Çalamani, 38-vjeç, e i dënuar edhe më parë për pengmarrje.

Ka qenë nëna e të miturit, Florida e cila në orën 15:30 të 16 nëntorit ka bërë denoncimin në polici, pasi djali i saj ishte zhdukur dhe për të nuk kishte asnjë gjurmë.

Pas denoncimit, efektivët e policisë kanë nisur hetimet dhe nga kamerat e sigurisë u zbulua se komunikimi i fundit i të miturit ka qenë me Çalamanin, fqinji i tij. Nisur nga kjo, efektivët i kanë shkuar në banesë, ku i riu është parë i shqetësuar, ç’ka ka ngritur dyshimet e Policisë, e për pasojë është shoqëruar në Komisariat.

Gjatë marrjes në pyetje, ai është dorëzuar dhe ka pranuar krimin monstruoz, ku përveç se e kishte vrarë, edhe e kishte groposur në oborrin e shtëpisë.

Efektivët janë rikthyer edhe një herë në banesën e të riut dhe aty kanë gjetur trupin e pajetë të 8-vjeçarit të mbuluar me baltë. I mituri është goditur barbarisht 2 herë me lopatë pas koke, goditje këto që kanë rezultuar fatale duke i marrë jetën 8-vjeçarit.

Ish-deputeti Pashko Ujka, është ekzekutuar mbrëmjen e 29 nëntorit.

Atij iu bë pritë dhe u qëllua pas shpine me silenciator në një lulishte pranë Kishës Ortodokse, teksa ishte duke shkuar në shtëpi.

Kjo ishte hera e tretë që 64-vjeçari ishte vendosur në shënjestër, pasi më parë i ishin bërë dy atentate të tjera, por kishte arritur që të shpëtonte.

Ujka ka shërbyer si deputet në disa legjislacione. Mes viteve 2005-2009, Ujka kaloi nga Partia Aleanca Demokratike te Partia Demokristiane e Nard Ndokës ku mbajti për disa kohë postin e kreut të grupit parlamentar.

Nga 2011 deri në 2015 Ujka ka drejtuar komunën e Velipojës për një mandat nën siglën e PS.

Atentatet kanë vijuar edhe në muajin dhjetor.

Mëngjezin e 10 dhjetorit, biznesmeni 55-vjeçar Rakip Roli i njohur ndryshe si Pilot Rroli, është ekzekutuar me breshëri kallashnikovi në qytetin e Laçit.

Biznesmeni i materialeve të ndërtimit po lëvizte me makinë tip ‘Audi Q7’ në momentin që është qëlluar për vdekje.

7 plumba u raportua se e kanë kapur në trup 55-vjeçarin, i cili ka humbur jetën në vend./E.S.CNA.al