LEXO PA REKLAMA!

SHKARKO APP

Sherri me karrige mes mësueseve/ Kushi: Të forcojmë etikën dhe disiplinën

16 Tetor 2021, 08:12, Aktualitet CNA
Sherri me karrige mes mësueseve/ Kushi: Të forcojmë etikën

Ministrja e Arsimit, Evis Kushi ka zhvilluar një takim me stafin e mësuesve të gjimnazit Andon.Z.Çajupi.

Vizita e saj vjen pas sherrit të madh mes dy mësueseve të kësaj shkolle, të cilat u konfliktuan, ku si pasojë pati edhe të lënduar nga famijarët e tyre.

Përmes një postimi në rrjetet sociale, ministrja Kushi, zbulon se ka biseduar me mësuesit për çështje shkollore që kanë nevojë për adresim, për lartësimin më tej të figurës së mësuesit, si dhe forcimin e vazhdueshëm të Komisioneve të Etikës dhe Disiplinës, për të garantuar vetëm mbarëvajtje në proceset e shkollës.

?Të gjitha profesionet janë të nderuara, por mësuesi mbetet në çdo kohë e në çdo vend figura më e dashur dhe më e respektuar për të gjithë. Vlerat që ai mbart janë të jashtëzakonshme dhe të pazëvendësueshme në mirëedukimin e fëmijëve tanë.

Nisur nga ngjarja e rëndë ku të përfshira ishin dy mësuese të gjimnazit “Andon Zako Çajupi” në Tiranë, dje zhvillova një vizitë pranë kësaj shkolle, e cila ndër vite ka spikatur përherë me talente e rezultate pozitive në çdo fushë.

Pasi i urova fillimisht shumë suksese e mbarësi nxënësve në këtë fillim viti shkollor, bashkëbiseduam gjerësisht me mësuesit për çështje shkollore që kanë nevojë për adresim, për lartësimin më tej të figurës së mësuesit, si dhe forcimin e vazhdueshëm të Komisioneve të Etikës dhe Disiplinës, për të garantuar vetëm mbarëvajtje në proceset e shkollës?, shkruan Kushi./ CNA.al

Lajmet e fundit nga