web counter
LEXO PA REKLAMA!

SHKARKO APP

App Store
Google Play

E fundit!

x

Pse Batoni është bërë Lulzims?!

16 Tetor 2021, 08:18, Politikë CNA

Në ekranet televizive, Baton Haxhiu, krahu i djathtë i Edi Ramës, një nga këshilltarët e tij kryesorë, një nga njerëzit që Rama e dëgjon më shumë, është kthyer në një Lulzims.

Njeriu që gjatë fushatës së zgjedhjeve na thoshte se Luli do humbte, ishte i paaftë, i dështuar, ishte një hije, nuk mund të ishte kryeministër, nuk merrte përgjegjësi, kishte shkatërruar Partinë Demokratike. Akuzohet për shumë bëma dhe gjëma.

Këto të gjitha na i thoshte Batoni.

Tani ka ndryshuar. Natën Batoni, po e bën ditë. Na thotë se Luli është një lider. Është e ardhmja, është i riu, është njeriu që do të zgjidhë çështjet politike, kryeministri që i duhet nesër Shqipërisë, e të tjera si këto. Qesharake deri në banale.

Ose dikush mund të jetë ?kollitur? tek Batoni, ose ky i fundit po i shërben Edi Ramës për të bërë atë që i duhet më mirë kryeministrit. Mbajtja e Lulzim Bashës në karrigen e kryetarit të PD-së. Kjo për një arsye të vetme. Rama, Lulin e mund 100 herë. Sa herë të garojë, qoftë edhe kur Rama është në gjumë. Mjafton të vërë në krye të fushatës Elisa Spiropali, dhe Luli është i humbur.

Nuk po themi që të kandidojë PS-ja me ?tigrin? në krye. Luli nuk diskutohet. Ndoshta dhe më këtë ministren e re të Financave, Luli humbet.

Në një mision që duket se është sa i vështirë edhe i pashpresë. Sepse Baton Haxhiu nuk ka asnjë peshë tek strukturat e demokratëve. Dhe aq më tepër kur del publikisht dhe i sulmon ata. Thotë se PD-së nuk kanë ç?i duhen militantët.

Por, çfarë i duhen Partisë Demokratike, kur nuk i duhen militantët?

Njerëzit që kanë 30 vite që sakrifikojnë. Në qendra votimi, në fushata. Njerëzit që shkojnë në komisione, që mbledhin votat. Njerëzit që mbajnë lart parimet e tyre. Pa asnjë lloj interesi. Pa asnjë lloj pagese. Pa u punësuar kurrë në shtet. Ata janë gjaku, janë palca e PD-së. Nuk është Luli dhe të tijët.

Luli dhe të tijët janë një grup interesaxhinjsh, të shkuar në PD, për të mbledhur ca para. Ashtu siç erdhi Batoni nga Kosova në Shqipëri. Kurse militantët janë pjesa më e qënësishme e Partisë Demokratike. Janë trupa e saj elektorale. Janë ata që mbledhin votat.

Votat nuk i mbledh Baton Haxhiu nga ekrani në ekran, duke marrë mijëra euro për çdo fjalë që thotë. Qoftë kjo ndryshe dje nga sot, apo qoftë ndryshe nesër nga sot.

Pra, dalja e Baton Haxhiut dhe bërja e tij Lulzims, përtej interesave financiare nga daljet mediatike, ka edhe interesat politike të kryeministrit. Por, edhe në finale urrejtjen e tij ndaj militantëve të PD-së, që nuk e duan, nuk e shohin dot. Apo së fundi edhe përplasjen e tij personale me ish-kryeministrin Sali Berisha. Kjo për shkak të shumë interesave të Batonit, të cilat ish-kryeministri i ka thënë publikisht dhe ia ka plasur në fytyrë.

Ndaj sot kemi një Baton Lulzims, për shumë arsye. Që fillojnë nga politika, tek xhepi, e përfundojnë tek kthimi në ekran, në qesharak dhe i pabesueshëm, sepse është njuësoj sikur Enver Hoxha të ngrihet nga varri dhe të bërtasë ?poshtë Enveri?.

Kështu është edhe rasti i Batonit me Edi Ramën, apo dhe me Lulzim Bashën./CNA.al





Lajmet e fundit nga