web counter
LEXO PA REKLAMA!

SHKARKO APP

App Store
Google Play

E fundit!

x

Harta e re Gjyqësore/ KLGJ konsultohet me Ministrinë e Drejtësisë, zbardhen diskutimet

16 Tetor 2021, 17:06, Aktualitet CNA

Ministri i Drejtësisë Ulsi Manja është takuar ditën e sotme me kryetaren e KLGJ Naureda Llagami dhe anëtarin e këtij këshilli Maksim Qoku.

Teksa ka ndarë dhe disa foto nga ky takim, Manja bën me dije se kanë diskutuar për dakordësinë për një propozim të përbashkët të hartës së re Gjyqësore.

Ai thekson se harta e re duhet të adresojë garantimin e aksesit në drejtësi, uljen e kostove dhe rritjen e cilësisë.

?Me Kryetaren dhe Zv/Kryetarin e KLGJ-së, znj. Naureda Llagami dhe z. Maksim Qoku, na ka bërë bashkë diskutimi mbi draftin e Hartës së Re Gjyqësore.

Diskutimet konstruktive mes Ministrisë së Drejtësisë dhe KLGJ-së për të dakordësuar një propozim të përbashkët të Hartës së Re Gjyqësore, e më pas konsultimin me Këshillin e Lartë të Prokurorisë, Prokurorinë e Përgjithshme, Ministrinë e Financave dhe Ekonomisë dhe grupet e interesit në përputhje me kriteret e përcaktuara në ligjin nr. 98/2016 janë të hapura për të adresuar çdo merak që ka të bëjë me:

a) garantimin e aksesit në drejtësi, që lidhet me afërsinë e individit në marrjen e shërbimeve gjyqësore;

b) uljen e kostove, me qëllim përdorimin me efektshmëri të burimeve publike;

c) rritjen e cilësisë dhe përshtatshmërisë së shërbimeve të ofruara.?/CNA.al

 





Lajmet e fundit nga