web counter
LEXO PA REKLAMA!

SHKARKO APP

E fundit!

x

Kosova regjistron 40 raste të reja me Covid-19/ Asnjë humbje jete në 24 orë

9 Tetor 2021, 13:12, Kosova & Bota CNA

Ministria e Shëndetësisë së Kosovës bën të ditur në 24 orët e fundit janë testuar 2,870 persona, në të cilët kanë rezultuar 40 raste të reja me koronavirus.

Gjithashtu në njoftim thuhet se në 24 orët e fundit nuk është regjistruar asnjë rast i vdekjes.

Sipas njoftimit, në 24 orë po ashtu janë shëruar 149 pacientë, ndërkaq raste aktive janë 1,226.

Sa i përket vaksinimit, në 24 orët paraprake janë administruar 12,144 doza të vaksinës kundër koronavirusit.

Që prej fundit të marsit, kur në Kosovë nisi fushata e imunizimit,  janë administruar 1.432,135 doza, ku 608,939 persona janë vaksinuar me të dy dozat e vaksinës.

Qeveria e Kosovës ka thënë se synon që deri në fund të vitit të vaksinojë kundër koronavirusit 60 për qind të popullatës.





Lajmet e fundit nga